ಬೆಂಗಳೂರು: ಸೆನ್ನಾ ಹೆಗಡೆ ನಿರ್ದೇಶನದ ಮೊದಲ ಸಿನಿಮಾ ಕಥೆಯೊಂದು ಶುರುವಾಗಿದೆ ಈ ತಿಂಗಳಲ್ಲಿ ಜಾಗತಿಕ ಮಟ್ಟದಲ್ಲಿ  ತೆರೆ ಕಾಣಲಿದೆ.

ಕಥೆಯೊಂದು ಶುರುವಾಗಿದೆ ಸಿನಿಮಾ ಜುಲೈ 27 ಮತ್ತು 28 ರಂದು ಆಸ್ಟ್ರೇಲಿಯಾ, ಸಿಂಗಾಪುರ, ಮಲೇಶಿಯಾ, ಯುಕೆ, ಯುರೋಪ್ ಮತ್ತು ಅಮೆರಿಕಾಗಳಲ್ಲಿ ಪ್ರೀಮಿಯರ್ ಶೋ ಏರ್ಪಡಿಸಲಾಗಿದೆ, 

ಭಾರತ ಮತ್ತು ವಿದೇಶಗಳಲ್ಲಿ ಏಕಕಾಲದಲ್ಲಿ ಪ್ರೀಮಿಯರ್ ಶೋ ಏರ್ಪಡಿಸಲು ನಿರ್ಧರಿಸಲಾಗಿತ್ತು, ಆದರೆ ದಿನಾಂಕ ಹೊಂದಾಣಿಕೆಯ ಕೊರತೆಯಿಂದಾಗಿ ಸಾಧ್ಯವಾಗಲಿಲ್ಲ, ಮೊದಲು ವಿದೇಶದಲ್ಲಿ ರಿಲೀಸ್ ಮಾಡಿ ನಂತರ ಭಾರತದಲ್ಲಿ ಬಿಡುಗಡೆ ಮಾಡಲಾಗುವುದು ಎಂದು ನಿರ್ದೇಶಕ ಸೆನ್ನಾ ಹೆಗಡೆ ತಿಳಿಸಿದ್ದಾರೆ,.

ದಿಗಂತ್ ಮತ್ತು ಪೂಜಾ ದೇವರಿಯಾ ಅಭಿನಯದ ಸಿನಿಮಾ ಆಗಸ್ಟ್ 3 ರಂದು ರಿಲೀಸ್ ಆಗಲಿದೆ.ಶ್ರೇಯಾ ಅಂಚನ್ ಮತ್ತು ಅಶ್ವಿನ್ ರಾವ್ ಪಲ್ಲಕ್ಕಿ ಕೂಡ ನಟಿಸಿದ್ದಾರೆ. ಸಿನಿಮಾದಲ್ಲಿ ವಿಭಿನ್ನ ಜೋಡಿ, ವಿಭಿನ್ನ ಗುಂಪು ಇದ್ದು, ದಿಗಂತ್ ಎಲಿಜಬಲ್ ಬ್ಯಾಚಲರ್  ಮತ್ತು ರೆಸಾರ್ಟ್ ಮಾಲೀಕನಾದಿ ನಟಿಸಿದ್ದಾರೆ. 

ಪುಷ್ಕರ್ ಮಲ್ಲಿಕಾರ್ಜುನಯ್ಯಾ ಮತ್ತು ರಕ್ಷಿತ್ ಶೆಟ್ಟಿ ಸೆನ್ನಾ ಹೆಗಡೆ ಮತ್ತು ವಿನೋದ್ ದಿವಾಕರ್ ಈ ಸಿನಿಮಾ ನಿರ್ಮಾಪಕರಾಗಿದ್ದಾರೆ.