ಅರ್ಜುನ್ ಸರ್ಜಾ, ರಾಧಿಕಾ ಕುಮಾರಸ್ವಾಮಿ ಮತ್ತು ಜೆಡಿ ಚಕ್ರವರ್ತಿ ಅಭಿನಯದ ಕಾಂಟ್ರಾಕ್ಟ್ ಚಿತ್ರದ ಶೂಟಿಂಗ್ ಅಂತಿಮ ಹಂತ ತಲುಪಿದೆ. ಚಿತ್ರತಂಡ ಹಾಡಿನ ಭಾಗದ ಚಿತ್ರೀಕರಣವನ್ನು ಬೆಂಗಳೂರಿನಲ್ಲಿ ನಡೆಸಿತು.

ಚಿತ್ರತಂಡ ಮಾಧ್ಯಮಕ್ಕೆ ಕೆಲವು ಫೋಟೋಗಳನ್ನು ಹಂಚಿಕೊಂಡಿದ್ದು ರಾಧಿಕಾ ಕುಮಾರಸ್ವಾಮಿ ಗ್ಲಾಮರ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಅದರಲ್ಲಿ ಅರ್ಜುನ್ ಸರ್ಜಾ ಕೂಡ ಇದ್ದಾರೆ. ಕೇವಲ 2 ಚಿತ್ರಗಳ ಶೂಟಿಂಗ್ ಬಾಕಿ ಇದ್ದು ಚಿತ್ರತಂಡ ಏಪ್ರಿಲ್ ನಲ್ಲಿ ಥೈಲ್ಯಾಂಡ್ ಗೆ ಹೋಗಲಿದೆ.

ಕಥೆ, ನಿರ್ದೇಶನ ಮತ್ತು ನಿರ್ಮಾಣ ಎಸ್ಎಸ್ಎಸ್ ಅಮೀರ್ ಅವರದ್ದಾಗಿದ್ದು ದ್ವಿಭಾಷೆಯಲ್ಲಿ ತಯಾರಾಗುತ್ತಿದೆ. ತೆಲುಗಿನಲ್ಲಿ ಇರುವರ್ ಒಪ್ಪಂತಮ್ ಎಂಬ ಹೆಸರಿಡಲಾಗಿದೆ.

ತೆಲುಗಿನ ಹಿರಿಯ ನಟ ಕೆ.ವಿಶ್ವನಾಥ್ ಕೂಡ ಚಿತ್ರದಲ್ಲಿ ಅಭಿನಯಿಸಿದ್ದಾರೆ. ಮನ್ ಮೋಹನ್ ರೈ, ಶಿಲ್ಪಾ ಮೂರ್ತಿ, ಇಟಿ ಆಚಾರ್ಯ ಮೊದಲಾದವರು ಭಾಗವಹಿಸಿದ್ದಾರೆ. ದ್ವಿಭಾಷೆಯ ಚಿತ್ರಕ್ಕೆ ಸುಭಾಷ್ ಆನಂದ್ ಸಂಗೀತ ಮತ್ತು ಆಮೀರ್ ಲಾಲ್ ಛಾಯಾಗ್ರಹಣವಿದೆ.