ಚೆನ್ನೈ: ದಕ್ಷಿಣ ಭಾರತದ ಸೂಪರ್ ಸ್ಟಾರ್ ರಜನಿಕಾಂತ್ ಅಭಿನಯದ 2.0 ಚಿತ್ರದಲ್ಲಿ ನಟಿಸಿರುವ ನಟಿ ಮಾಯಾ ಎಸ್ ಕೃಷ್ಣನ್ ವಿರುದ್ಧ ರಂಗಭೂಮಿ ಕಲಾವಿದೆ ಅನನ್ಯ ರಾಮ್ ಪ್ರಸಾದ್ ಅವರು ಮೀಟೂ ಆರೋಪ ಮಾಡಿದ್ದಾರೆ.
ನಾನು ಲೈಂಗಿಕ ಕಿರುಕುಳದ ಸಂತ್ರಸ್ತೆ. ಮಾಯಾ ಅವರಿಂದ ಮಾನಸಿಕವಾಗಿ, ಭಾವನಾತ್ಮಕವಾಗಿ ನಿಂದನೆಗೊಳಗಾಗಿದ್ದೇನೆ ಎಂದು ಅನನ್ಯ ತಮ್ಮ ಫೇಸ್ ಬುಕ್ ನಲ್ಲಿ ಬರೆದುಕೊಂಡಿದ್ದಾರೆ.
ಈ ಆರೋಪವನ್ನು ನಟಿ ಮಾಯಾ ತಳ್ಳಿ ಹಾಕಿದ್ದು ತಾವು ಕಾನೂನು ಸಮರ ಎದುರಿಸಲು ಸಜ್ಜಾಗಿರುವುದಾಗಿ ಹೇಳಿದ್ದಾರೆ.
ಅನನ್ಯಾ ಆರೋಪಿಸಿರುವಂತೆ ನಾನು ಯಾವುದೇ ತಪ್ಪ ಮಾಡಿಲ್ಲ. ಅವಳನ್ನು ಮಗುವಿನಂತಳು ಎಂದುಕೊಂಡಿದ್ದೇ ನಾನು ಮಾಡಿದ ತಪ್ಪು. ಇನ್ನು ಹಾಗೆ ಮಾಡುವುದಿಲ್ಲ ಎಂದು ಮಾಯಾ ಹೇಳಿದ್ದಾರೆ.