ಹೈದರಾಬಾದ್: ಕಿರಿಕ್ ಬೆಡಗಿ ರಶ್ಮಿಕಾ ಮಂದಣ್ಣ ಜೊತೆಗೆ ಅಭಿನಯಿಸಿದ್ದ ಗೀತಾ ಗೋವಿಂದಂ ಚಿತ್ರದ ಭರ್ಜರಿ ಯಶಸ್ಸಿನ ನಂತರ ವಿಜಯ್ ದೇವರಕೊಂಡ ಅಭಿನಯದ ನೋಟಾ ಚಿತ್ರ ಹೀನಾಯ ಸೋಲು ಕಂಡಿದ್ದು ಇದರ ಬೆನ್ನಲ್ಲೇ ಅಭಿಮಾನಿಗಳಿಗೆ ವಿಜಯ್ ಬಹಿರಂಗ ಪತ್ರ ಬರೆದಿದ್ದಾರೆ. 

ತೆಲುಗಿನ ಬಹುನಿರೀಕ್ಷಿತ ನೋಟಾ ಚಿತ್ರಕ್ಕೆ ಉತ್ತಮ ರೆಸ್ಪಾನ್ಸ್ ಬರಲಿಲ್ಲ. ಹೀಗಾಗಿ ಚಿತ್ರದ ಫಲಿತಾಂಶವನ್ನೇ ವಿಜಯ್ ದೇವರಕೊಂಡ ತಮಾಷೆ ಮಾಡುತ್ತಿದ್ದಾರೆ. ತಮ್ಮ ಚಿತ್ರದ ಕುರಿತು ತಾವೇ ಹಾಸ್ಯ ಮಾಡಿದ್ದಾರೆ. ಅದಕ್ಕಾಗಿ ತನ್ನ ಸಿನಿಮಾ ಸೋತಿದೆ ಎಂದು ಸಾಮಾಜಿಕ ಜಾಲತಾಣದಲ್ಲಿ ಒಂದು ಪತ್ರವನ್ನು ಬರೆದಿದ್ದಾರೆ. 

ವಿಜಯ್ ದೇವರಕೊಂಡ ಅವರು ಕಷ್ಟಪಟ್ಟು ಈ ಸ್ಥಾನಕ್ಕೆ ಬಂದಿದ್ದು ತಮ್ಮ ಸಿನಿಮಾದ ಸೋಲನ್ನು ಸಂಭ್ರಮಿಸುತ್ತಿರುವವರಿಗೆ ಖಡಕ್ ಉತ್ತರ ಸಹ ನೀಡಿದ್ದಾರೆ. ಹೌದು ಸಂಭ್ರಮಿಸಿಕೊಳ್ಳುವವರು ಈಗಲೇ ಹಬ್ಬ ಮಾಡಿಕೊಳ್ಳಿ...ಬಹಳ ಬೇಗ ಮತ್ತೆ ಬರುತ್ತೇನೆ ಎಂದು ಬರೆದು ಕೊಂಡಿದ್ದಾರೆ.