ಬೆಂಗಳೂರು: ದಕ್ಷಿಣ ಭಾರತದಲ್ಲೇ ಅತಿ ದೊಡ್ಡ ಮಟ್ಟದಲ್ಲಿ ಸದ್ದು ಮಾಡುತ್ತಿರುವ ರಾಕಿಂಗ್ ಸ್ಟಾರ್ ಯಶ್ ಅಭಿನಯದ 'ಕೆಜಿಎಫ್' ಸಿನಿಮಾ ಬಿಡುಗಡೆಗೆ ಸಿದ್ಧವಾಗಿದೆ. ಪ್ರಶಾಂತ್ ನೀಲ್ ನಿರ್ದೇಶನದ ಚಿತ್ರದಲ್ಲಿ ರಾಕಿಂಗ್ ಸ್ಟಾರ್ ಯಶ್ ನಟಿಸಿದ್ದಾರೆ. ಕನ್ನಡ, ತಮಿಳು, ತೆಲುಗು, ಮಲಯಾಳಂ ಮತ್ತ ಹಿಂದಿ ಭಾಷೆಯಲ್ಲಿ ಏಕಕಾಲದಲ್ಲಿ ರಿಲೀಸ್ ಮಾಡಲಿದ್ದಾರೆ.

ಸೆನ್ಸಾರ್ ಬೋರ್ಡ್ ಪ್ರದರ್ಶನಕ್ಕೆ ಸಿನಿಮಾ ಸಿದ್ದವಾಗಿದ್ದು, ಅದಾದ ನಂತರ ಅಧಿಕೃತವಾಗಿ ಬಿಡುಗಡೆ ದಿನಾಂಕ ಘೋಷಿಸಲಿದ್ದಾರೆ. ನವೆಂಬರ್ 16 ರಂದು ಕೆಜಿಎಫ್ ಸಿನಿಮಾ ರಿಲೀಸ್ ಆಗುವ ಸಾಧ್ಯತೆಯಿದೆ. ನವೆಂಬರ್ ನಲ್ಲಿ ಎರಡು ದಿನಾಂಕ ಇದ್ದು ಶೀಘ್ರವೇ ಅದರಲ್ಲಿ ಒಂದು ದಿನಾಂಕವನ್ನು ಫೈನಲ್ ಮಾಡಲಾಗುವುದು. ತೆಲುಗು ಮತ್ತು ತಮಿಳು ಹಂಚಿಕೆದಾರರನ್ನು ಸಂಪರ್ಕಿಸಿದ ನಂತರ ಡೇಟ್ ಪ್ರಕಟಿಸಲಾಗುತ್ತದೆ. 

ಕೆಜಿಎಫ್ 80ರ ದಶಕದ ಕಥೆಯಾಗಿದ್ದು, ರಾಕಿ ಪಾತ್ರದಲ್ಲಿ ಯಶ್ ನಟಿಸಿದ್ದಾರೆ, ಅತಿ ಹೆಚ್ಚಿನ ಬಜೆಟ್ ಸಿನಿಮಾ ಇದಾಗಿದ್ದು, ಶ್ರೀನಿಧಿ ಶೆಟ್ಟಿ ಯಶ್ ಗೆ ನಾಯಕಿಯಾಗಿದ್ದಾರೆ.