ದಿವಂಗತ ರೆಬೆಲ್ ಸ್ಟಾರ್ ಅಂಬರೀಶ್ ಪುತ್ರ ಅಭಿಷೇಕ್ ನಟಿಸಿರುವ ಚೊಚ್ಚಲ ಸಿನಿಮಾ ಅಮರ್ ಚಿತ್ರದ ಬಹುತೇಕ ಶೂಟಿಂಗ್ ವಿದೇಶಗಳಲ್ಲೇ ನಡೆದಿದೆ. ಕೇರಳ ಗಡಿ. ಕರ್ನಾಟಕ ಕೊಯಂಬತ್ತೂರು ಹಾಗೂ ಸ್ವಿಟ್ಜರ್ ಲ್ಯಾಂಡ್ ನಲ್ಲಿ ಚಿತ್ರೀಕರಣ ನಡೆದಿದೆ.

ಸದ್ಯ ಅಬಿಷೇಕ್, ತಾನ್ಯ ಹೋಪ್ ಮತ್ತು ನಿರ್ದೇಶಕ ನಾಗಶೇಖರ್ 7 ದಿನಗಳ ಮಲೇಶಿಯಾಗೆ ತೆರಳಿದ್ದಾರೆ, ಹಾಡೊಂದರ ಚಿತ್ರೀಕರಣಕ್ಕಾಗಿ ಮಲೇಶಿಯನ್ ನೌಕೆಯಲ್ಲಿ ವಿಹಾರ ನಡೆಸುತ್ತಿದ್ದಾರೆ, ಫೆಬ್ರವರಿ 18ರ ವರೆಗೂ ಕೌಲಲಾಂಪುರ ಮತ್ತು ಲಂಗ್ವಾಕಿಯಲ್ಲಿ ಶೂಟಿಂಗ್ ನಡೆಯಲಿದೆ, ಕೆಲವು ಹಾಡು ಮತ್ತು ಕೆಲವು ಸನ್ನಿವೇಶಗಳನ್ನು ಚಿತ್ರೀಕರಿಸಲಾಗಿದೆ,

ಸಂದೇಶ್ ಫಿಲ್ಮ್ಸ್ ಅಡಿಯಲ್ಲಿ ಸಿನಿಮಾ ತಯಾರಾಗುತ್ತಿದ್ದು, ಫೆಬ್ರವರಿ 14 ರಂದು ಮೊದಲ ಟೀಸರ್ ರಿಲೀಸ್ ಆಗುತ್ತಿದೆ, ಅಭಿಷೇಕ್ ಮೊದಲ ಸಿನಿಮಾದಲ್ಲಿ ಹಲವು ವಿಶೇಷಗಳಿವೆ, ಅಂಬರೀಷ್ ಜನಪ್ರಿಯ ಸಿನಿಮಾ ಒಲವಿನ ಉಡುಗೊರೆ ಸಿನಿಮಾ ಪ್ರಸಿದ್ದ ಟೈಟಲ್ ಟ್ರ್ಯಾಕ್ ಅಮರ್ ಸಿನಿಮಾದಲ್ಲಿ ಪುನರ್ ಸೃಷ್ಟಿಯಾಗುತ್ತಿದೆ.

ಈ ಸಿನಿಮಾದಲ್ಲಿ ದರ್ಶನ್ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ, ಸಿನಿಮಾ ಹಾಡಿಗೆ ಅರ್ಜುನ್ ಜನ್ಯ ಸಂಗೀತ್ ನೀಡಿದ್ದಾರೆ., ಹಾಡೊಂದರಲ್ಲಿ ನಿರೂಪ್ ಭಂಡಾರಿ ಮತ್ತು ರಚಿತಾ ರಾಮ್ ಕೂಡ ಕಾಣಿಸಿಕೊಂಡಿದ್ದಾರೆ.