ಟಾಲಿವುಡ್ ನಟ ನಟಿಯರಾದ ವಿಶಾಲ್ ರೆಡ್ಡಿ ಮತ್ತು ಅನಿಶಾ ಅಲ್ಲಾ ರೆಡ್ಡಿ ಸದ್ಯದಲ್ಲಿಯೇ ಸತಿಪತಿಗಳಾಗಲಿದ್ದಾರೆ. ಈ ವಿಷಯವನ್ನು ಸ್ವತಃ ನಟಿ ಅನಿಶಾ ತಮ್ಮ ಇನ್ಸ್ಟ್ರಾಗ್ರಾಮ್ ನಲ್ಲಿ ಘೋಷಿಸಿಕೊಂಡಿದ್ದಾರೆ.

ಪೆಲ್ಲಿಚೊಪ್ಪುಲು ಮತ್ತು ಅರ್ಜುನ್ ರೆಡ್ಡಿ ಸಿನಿಮಾಗಳಲ್ಲಿ ಅನಿಶಾ ಪೋಷಕ ಪಾತ್ರಗಳಲ್ಲಿ ನಟಿಸಿದ್ದರು.

ನಟ ವಿಶಾಲ್ ವರಲಕ್ಷ್ಮಿ ಶರತ್ ಕುಮಾರ್ ಜೊತೆ ಡೇಟಿಂಗ್ ನಡೆಸುತ್ತಿದ್ದಾರೆ ಎಂದು ಈ ಹಿಂದೆ ಸುದ್ದಿಯಾಗಿತ್ತು. ಆದರೆ ಅದು ಸುಳ್ಳು ವದಂತಿ ಎಂದು ಇಬ್ಬರೂ ಖಚಿತಪಡಿಸಿದ್ದರು. ಹೈದರಾಬಾದಿನ ಉದ್ಯಮಿಯ ಪುತ್ರಿಯನ್ನು ತಮ್ಮ ಮಗ ಮದುವೆಯಾಗಲಿದ್ದಾರೆ ಎಂದು ವಿಶಾಲ್ ತಂದೆ ಜಿ ಕೆ ರೆಡ್ಡಿ ಈ ಹಿಂದೆ ಹೇಳಿದ್ದರು.

ವಿಶಾಲ್ ಕಳೆದ ವರ್ಷ ಇರುಂಬು ತಿರೈ ಮತ್ತು ಸಂದಕೋಜ್ಹಿ 2 ಸಿನಿಮಾಗಳಲ್ಲಿ ನಟಿಸಿದ್ದರು. ಈ ವರ್ಷ ರಾಶಿ ಖನ್ನಾ ಜೊತೆ ಅಯೋಗ್ಯ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ತೆಲುಗು ಚಿತ್ರ ಜೂನಿಯರ್ ಎನ್ ಟಿಆರ್ ನಟಿಸಿದ್ದ ಟೆಂಪರ್ ಚಿತ್ರದ ರಿಮೇಕ್ ಆಗಿದೆ.

ಯಶ್ ಅಭಿನಯದ ಕೆಜಿಎಫ್ ಚಿತ್ರದ ತಮಿಳು ಅವತರಣಿಕೆಗೆ ವಿಶಾಲ್ ಹಂಚಿಕೆದಾರರಾಗಿದ್ದರು.