ರಕ್ಷಿತ್ ಶೆಟ್ಟಿ ಅಭಿನಯದ 777 ಚಾರ್ಲಿ ಚಿತ್ರತಂಡವನ್ನು ಬೇಬಿ ಡಾಲ್ಸ್ ಏಳು ವರ್ಷದ ಹುಬ್ಬಳ್ಳಿ ಹುಡುಗಿ ಡ್ರಾಮ ಜೂನಿಯರ್ಸ್ ರಿಯಾಲಿಟಿ ಶೋದಲ್ಲಿ ಜನಪ್ರಿಯತೆ ಗಳಿಸಿದ್ದ ಶಾರ್ವರಿ ಮತ್ತು ಡಬ್ ಸ್ಯ್ಮಾಶ್ ಮೂಲಕ ಜನಪ್ರಿಯತೆ ಗಳಿಸಿರುವ ಪ್ರಾಣ್ಯ ಸೇರಿಕೊಂಡಿದ್ದಾರೆ.
ಕಿರಣ್ ರಾಜ್ ಚೊಚ್ಚಲ ನಿರ್ದೇಶನದ 777 ಚಾರ್ಲಿ ದಿನ ಕಳೆದಂತೆ ನಿರೀಕ್ಷೆಗಳನ್ನು ಹುಟ್ಟು ಹಾಕುತ್ತಿದೆ. ಚಾರ್ಲಿ ಚಿತ್ರದಲ್ಲಿ ಚಾರ್ಲಿ ಎಂಬ ನಾಯಿಯೇ ಪ್ರಮುಖ ಪಾತ್ರಧಾರಿ. ಆ ಚಾರ್ಲಿಯ ಜೊತೆಗೆ ರಕ್ಷಿತ್ ಶೆಟ್ಟಿ, ಶಾರ್ವರಿ, ಪ್ರಾಣ್ಯ ಎಲ್ಲರ ಪಯಣವೂ ಸಾಗುತ್ತದೆ.
ಇದೇ ತಿಂಗಳಾಂತ್ಯಕ್ಕೆ ಮೈಸೂರಿನಲ್ಲಿ ಮತ್ತೊಂದು ಹಂತದ ಚಿತ್ರೀಕರಣ ಶುರವಾಗಲಿದ್ದು ನಂತರ ಚಿತ್ರತಂಡ ಉತ್ತರ ಭಾರತ ಪ್ರವಾಸ ಹೊರಡಲಿದೆ. ಈ ಚಿತ್ರವನ್ನು ರಕ್ಷಿತ್ ಶೆಟ್ಟಿ ಮತ್ತು ಪುಷ್ಕರ್ ಮಲ್ಲಿಕಾರ್ಜುನಯ್ಯ ನಿರ್ಮಿಸಿದ್ದಾರೆ.