ನಿರ್ದೇಶಕ ಎ ಹರ್ಷ ಸೆಂಚೂರಿ ಸ್ಟಾರ್ ಶಿವರಾಜಕುಮಾರ್ ಅವರಿಗೆ ಚಿತ್ರ ನಿರ್ದೇಶನ ಮಾಡುತ್ತಿದ್ದು ಅದಕ್ಕೆ ಮೈ ನೇಮ್ ಈಸ್ ಅಂಜಿ ಎಂದು ಶೀರ್ಷಿಕೆ ಇಡಲಾಗಿತ್ತು. ಆದರೆ ಈ ಶೀರ್ಷಿಕೆಯನ್ನು ಇದೀಗ ಬದಲಾಯಿಸಲಾಗಿದೆ.
ಶಿವಣ್ಣರ ಭಜರಂಗಿ ಚಿತ್ರ ಕನ್ನಡದಲ್ಲಿ ಬ್ಲಾಕ್ ಬಸ್ಟರ್ ಆಗಿತ್ತು. ಇದೀಗ ಅದೇ ಶೀರ್ಷಿಕೆಯನ್ನು ಮುಂದುವರೆಸಲು ನಿರ್ದೇಶಕ ಹರ್ಷ ತೀರ್ಮಾನಿಸಿದ್ದಾರೆ. ಇದೀಗ ಭಜರಂಗಿ 2 ಆಗಿ ಚಿತ್ರ ಬಿಡುಗಡೆಯಾಗಲಿದೆ.
ಇದು ಭಜರಂಗಿ ಚಿತ್ರದ ಸೀಕ್ವೆಲ್ ಅಲ್ಲ. ಬದಲಿಗೆ ಶೀರ್ಷಿಕೆಯನ್ನು ಮಾತ್ರ ಬಳಸಿಕೊಳ್ಳುತ್ತಿದ್ದೇವೆ ಎಂದರು. ಜಯಣ್ಣ ಕಂಬೈನ್ಸ್ ಮತ್ತು ಶಿವಣ್ಣ ಜೊತೆಯಾಗಿ ಇದು ನಾಲ್ಕನೇ ಯೋಜನೆ ಆಗಲಿದೆ.
ಜೂನ್ 20ಕ್ಕೆ ಭಜರಂಗಿ 2 ಚಿತ್ರದ ಮುಹೂರ್ತ ನಿಗದಿಯಾಗಿದೆ. ಶಿವಣ್ಣರಿಗೆ ನಟಿ ಭಾವನ ನಾಯಕಿಯಾಗಿ ಅಭಿನಯಿಸುತ್ತಿದ್ದಾರೆ. ಪ್ರಸ್ತುತ ಶಿವಣ್ಣ ಅವರು ಪಿ. ವಾಸು ಅವರ ನಿರ್ದೇಶನದ ಆನಂದ್ ಚಿತ್ರದಲ್ಲಿ ನಟಿಸುತ್ತಿದ್ದು ನಂತರ ಭಜರಂಗಿ 2 ಕೈಗೆತ್ತಿಕೊಳ್ಳಲಿದ್ದಾರೆ.
Follow KannadaPrabha channel on WhatsApp
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Subscribe to KannadaPrabha YouTube Channel and watch Videos