ನವದೆಹಲಿ: ಲಂಡನ್ ನ  ದಿ ಇಂಪಿರಿಯಲ್ ಕಾಲೇಜಿನಿಂದ ಪ್ರತಿಷ್ಠಿತ ಯೂತ್ ಐಕಾನ್ ಪ್ರಶಸ್ತಿಯನ್ನು ಬಾಲಿವುಡ್ ನಟಿ ವಿದ್ಯಾಬಾಲನ್ ಪಡೆದುಕೊಂಡಿದ್ದಾರೆ.

40 ವರ್ಷದ ವಿದ್ಯಾಬಾಲನ್  ಸದ್ಯ 'ಶಕುಂತಲಾ ದೇವಿ ಹನುಮನ್ ಕಂಪ್ಯೂಟರ್  '' ಚಿತ್ರ ದಲ್ಲಿ  ಅಭಿನಯಿಸುತ್ತಿದ್ದಾರೆ. ಈ ಸಂದರ್ಭದಲ್ಲಿ ಯೂತ್ ಐಕಾನ್ ಪ್ರಶಸ್ತಿ ಪಡೆದುಕೊಂಡಿರುವುದು ವಿಶೇಷವಾಗಿದೆ. 

ದಿ ಇಂಪಿರಿಯಲ್ ಕಾಲೇಜಿಗೆ ಇತ್ತೀಚಿಗೆ ಭೇಟಿ ನೀಡಿದ  ವಿದ್ಯಾಬಾಲನ್, ಅಲ್ಲಿನ ವಿದ್ಯಾರ್ಥಿಗಳೊಂದಿಗೆ ಸಂವಾದ ನಡೆಸಿದ್ದಾರೆ. ಅಲ್ಲಿನ ವಿದ್ಯಾರ್ಥಿಗಳು ತೋರಿದ ಪ್ರೀತಿಗೆ ಪಿಧಾ ಆಗಿರುವ ವಿದ್ಯಾಬ್ಯಾಲನ್, ಇದೊಂದು ಮರೆಯಲಾದಂತಹ ಭೇಟಿಯಾಗಿದೆ ಎಂದಿದ್ದಾರೆ.

ಇನ್ಸಾಟಾಗ್ರಾಂನಲ್ಲಿ ತಮ್ಮ ಪ್ರಶಸ್ತಿಗೆ ಸಂಬಂಧಿತ ದಾಖಲೆಗಳನ್ನು ಹಂಚಿಕೊಂಡಿರುವ  ಮಿಶನ್ ಮಂಗಳ್ ನಟಿ, ವಿದ್ಯಾರ್ಥಿಗಳೊಂದಿಗೆ ಸಂವಾದಕ್ಕಾಗಿ ದಿ ಇಂಪಿರಿಯನ್ ಕಾಲೇಜಿಗೆ ಭೇಟಿ ನೀಡಿದದ್ದು, ತುಂಬಾ ಅದ್ಬುತವಾಗಿತ್ತು. ಪ್ರಶಸ್ತಿ ಸಿಕ್ಕಿರುವುದಕ್ಕೆ ತುಂಬಾ ಸಂತೋಷವಾಗುತ್ತಿದೆ. ಅಲ್ಲಿನ ವಿದ್ಯಾರ್ಥಿಗಳ ಪ್ರೀತಿ, ವಾತ್ಸಲ್ಯ ಮರೆಯಲಾಗದು, ಮೊದಲ ಬಾರಿಗೆ ಯೂತ್ ಐಕಾನ್ ಪ್ರಶಸ್ತಿ ಪಡೆದುಕೊಂಡಿರುವುದಾಗಿ ಬರೆದುಕೊಂಡಿದ್ದಾರೆ.

ಅನು ಮೆನನ್  ನಿರ್ದೇಶನದ ಸೊನಿ ಪಿಕ್ಚರ್ ನೆಟ್ ವರ್ಕ್ ಪ್ರೊಢಕ್ಷನ್ ನಿರ್ಮಾಣದ ಈ ಚಿತ್ರ 2020ರ ಬೇಸಿಗೆ ಸಂದರ್ಭದಲ್ಲಿ ತೆರೆಗೆ ಬರುವ ಸಾಧ್ಯತೆ ಇದೆ.