ಅಮಿತಾಬ್ ಬಚ್ಚನ್, ರಜನಿಕಾಂತ್, ಚಿರಂಜೀವಿ, ಪ್ರಿಯಾಂಕಾ ಚೋಪ್ರಾ, ರಣಬೀರ್ ಕಪೂರ್, ಆಲಿಯಾ ಭಟ್ ಮುಂತಾದ ಬಾಲಿವುಡ್, ಟಾಲಿವುಡ್ ಸ್ಟಾರ್ ಕಲಾವಿದರು "ಫ್ಯಾಮಿಲಿ" ಎಂಬ ಕಿರುಚಿತ್ರದ ಮೂಲಕ ಮಾರಕ ಕೊರೋನಾವೈರಸ್ ವಿರುದ್ಧ ಜಾಗೃತಿ ಮೂಡಿಸುತ್ತಿದ್ದಾರೆ.
ಪ್ರಸೂನ್ ಪಾಂಡೆ ನಿರ್ದೇಶನದ ಈ ಕಿರುಚಿತ್ರ ಸಾಮಾಜಿಕ ಅಂತರವನ್ನು ಕಾಪಾಡಿಕೊಳ್ಳುವ ಮತ್ತು ಮನೆಯಲ್ಲಿಯೇ ಉಳಿಯುವುದರ ಮಹತ್ವವನ್ನು ಹೇಳುಲ್ತ್ತಿದೆ. ಇದು ನಾಗರಿಕರನ್ನುತಾವು ಇದೇ ಹಾದಿಯಲ್ಲಿ ದಾಪುಗಾಲು ಹಾಕಲು ಪ್ರೇರಿಸುತ್ತಿದೆ.
"ಫ್ಯಾಮಿಲಿ" ಇಂದು ರಾತ್ರಿ 9 ಗಂಟೆಗೆ ಸೋನಿ ನೆಟ್‌ವರ್ಕ್‌ ನಲ್ಲಿ ಪ್ರಥಮ ಬಾರಿಗೆ ಪ್ರದರ್ಶನಗೊಳ್ಳುತ್ತಿದೆ. ಇದಲ್ಲದೆ ಸೋನಿ ಪಿಕ್ಚರ್ಸ್ ಇಂಡಿಯಾ ಮತ್ತು ಕಲ್ಯಾಣ್ ಜ್ಯುವೆಲ್ಲರ್ಸ್ ಅಮಿತಾಬ್ ಬಚ್ಚನ್ ಅವರ ವಿ ಆರ್ ಒನ್ ಎಂಬ ಉಪಕ್ರಮವನ್ನು ಬೆಂಬಲಿಸಿದೆ.
ಈ ಉಪಕ್ರಮವು ಅಖಿಲ ಭಾರತ ಚಲನಚಿತ್ರ ನೌಕರರ ಒಕ್ಕೂಟಕ್ಕೆ ಸೇರಿದ ದೈನಂದಿನ ಕೂಲಿ ಕಾರ್ಮಿಕರ 1 ಲಕ್ಷ ಮನೆಗಳಿಗೆ ಪಡಿತರವನ್ನು ಒದಗಿಸುತ್ತದೆ
"ನಾವು ಅಭೂತಪೂರ್ವ ಜಾಗತಿಕ ಸಾಂಕ್ರಾಮಿಕ ರೋಗಕ್ಕೆ ಸಾಕ್ಷಿಯಾಗಿದ್ದೇವೆ ಮತ್ತು ಈ ಪರೀಕ್ಷಾ ಕಾಲದಲ್ಲಿ ನಾವುಅಮಿತಾಬ್ ಬಚ್ಚನ್ ಅವರ ಉಪಕ್ರಮವನ್ನು ಬೆಂಬಲಿಸಲು ನಿರ್ಧರಿಸಿದ್ದೇವೆ" ಎಂದು ಕಲ್ಯಾಣ್ ಜ್ಯುವೆಲ್ಲರ್ಸ್‌ನ ಅಧ್ಯಕ್ಷ ಮತ್ತು ವ್ಯವಸ್ಥಾಪಕ ನಿರ್ದೇಶಕ ಟಿ.ಎಸ್.ಕಲ್ಯಾಣರಾಮನ್ ಹೇಳಿದರು "ನಮ್ಮ ಉದ್ಯಮದ ಎಲ್ಲಾ ಅತ್ಯುತ್ತಮ ಸೃಜನಶೀಲ ಮನಸ್ಸುಗಳನ್ನು ಒಟ್ಟುಗೂಡಿಸುವ ಕಾರಣ ಈ ಚಿತ್ರವು ತುಂಬಾ ವಿಶೇಷವಾಗಿದೆ." ಅವರು ಹೇಳಿದ್ದಾರೆ.