ಪರಿಸರದಲ್ಲಿ ಜೀವ ವ್ಯವಸ್ಥೆಗಳ ಮಧ್ಯೆ ಸಮತೋಲನ ಇರಲು ಪ್ರಾಣಿಗಳು,ಪಕ್ಷಿಗಳು ಮನುಷ್ಯರು ಸೇರಿದಂತೆ ಇಡೀ ಜೀವಸಂಕುಲ ಮಧ್ಯೆ ಸಮತೋಲನವಿರಬೇಕು. ಸಮತೋಲನ ತಪ್ಪಿದರೆ ಅನಾಹುತವಾಗುತ್ತದೆ ಎಂಬ ವಿಷಯ ಈ ಹಿಂದಿನ ಹಲವು ಘಟನೆಗಳು ನಮಗೆ ತೋರಿಸಿಕೊಟ್ಟಿವೆ.

ಇಂದು ಆಗಸ್ಟ್ 12, ವಿಶ್ವ ಆನೆ ದಿನ.ಜೀವ ವೈವಿಧ್ಯದಲ್ಲಿ ಆನೆಗೆ ಅದರದ್ದೇ ಆದ ಪ್ರಾಧಾನ್ಯತೆ ಇದೆ.ಅಲ್ಲಲ್ಲಿ ಆನೆಗಳ ಜೀವಕ್ಕೆ ಅಪಾಯವುಂಟಾಗುವಂತೆ ಮನುಷ್ಯ ನಡೆದುಕೊಂಡ ಉದಾಹರಣೆಗಳು ಬೇಕಾದಷ್ಟಿವೆ.

ಸ್ವತಃ ಪ್ರಾಣಿ, ಪಕ್ಷಿ ಪ್ರಿಯರಾಗಿರುವ ನಟ ದರ್ಶನ್ ಈ ಸಂದರ್ಭದಲ್ಲಿ ಆನೆಗಳನ್ನು ಸಂರಕ್ಷಿಸಲು ಕರೆ ಕೊಟ್ಟಿದ್ದಾರೆ. ಕರ್ನಾಟಕ ಅರಣ್ಯ ಇಲಾಖೆಯ ಪ್ರಚಾರ ರಾಯಭಾರಿಯಾಗಿರುವ ಅವರು, ಆನೆಗಳನ್ನು ಹಲವಾರು ಬೆದರಿಕೆಗಳು, ಅಪಾಯಗಳಿಂದ ರಕ್ಷಿಸೋಣ ಎಂದಿದ್ದಾರೆ.