ಸ್ಯಾಂಡಲ್‌ವುಡ್‌ ಬಾಕ್ಸ್‌ ಆಫೀಸ್‌ ಸುಲ್ತಾನ್‌ ಚಾಲೆಂಜಿಂಗ್‌ ಸ್ಟಾರ್‌ ದರ್ಶನ್‌ ಬಹು ನಿರೀಕ್ಷಿತ ಸಿನಿಮಾ 'ರಾಬರ್ಟ್' ದಿನೇ ದಿನೇ ಒಂದಲ್ಲ ಒಂದು ವಿಚಾರಕ್ಕೆ ಸುದ್ದಿಯಾಗುತ್ತಿದೆ.
'ರಾಬರ್ಟ್ ಚಿತ್ರದ ಮೊದಲ ಹಾಡನ್ನು ಮಾರ್ಚ್ 3 ರ ಸಂಜೆ 5 ಕ್ಕೆ ರಿಲೀಸ್ ಮಾಡಲಾಗುತ್ತದೆ. ಇದು ಸ್ಪೆಷಲ್‌ ಆಗಿ ಡಿ-ಬಾಸ್‌ ಫ್ಯಾನ್ಸ್‌ಗೆ. ಶೀಘ್ರದಲ್ಲಿ ಚಿತ್ರದ ಬಗ್ಗೆ ಹೆಚ್ಚಿನ ಮಾಹಿತಿ ನೀಡುತ್ತೇನೆ' ಎಂದು ಹಾಡಿನ ಮೊದಲ ಸಾಲುಗಳನ್ನು ನಿರ್ದೇಶಕ ತರುಣ್ ಸುಧೀರ್ ರಿವೀಲ್‌ ಮಾಡಿದ್ದಾರೆ.
ಚಿತ್ರೀಕರಣದ ಕೊನೆಯ ಹಂತದಲ್ಲಿರುವ ರಾಬರ್ಟ್ ಟೀಂ ಏಪ್ರಿಲ್‌ 10 ರಂದು ರಾಜ್ಯಾದ್ಯಂತ ತೆರೆ ಕಾಣುತ್ತಿದೆ.
ತರುಣ್ ಸುಧೀರ್ ಮತ್ತು ದರ್ಶನ್‌ ಕಾಂಬಿನೇಷನ್‌ ಎಂಬ ಕಾರಣಕ್ಕಾಗಿಯೇ 'ರಾಬರ್ಟ್' ಚಿತ್ರ ದೊಡ್ಡ ಮಟ್ಟದಲ್ಲಿ ಹೈಪ್‌ ಸೃಷ್ಟಿ ಮಾಡಿದೆ. ಅದರಲ್ಲೂ 'ಚಾಲೆಂಜಿಂಗ್‌ ಸ್ಟಾರ್‌' ಹಲವು ಗೆಟಪ್‌ಗಳಲ್ಲಿ ಕಾಣಿಸಿಕೊಳ್ಳುತ್ತಿರುವುದರಿಂದ ನಿರೀಕ್ಷೆ ದುಪ್ಪಟ್ಟಾಗಿದೆ.
'ಬಾ ಬಾ ಬಾ ನಾ ರೆಡಿ...' ಎಂಬ ಹಿನ್ನೆಲೆ ಧ್ವನಿ ಸಖತ್‌ ಕುತೂಹಲ ಕೆರಳಿಸಿತ್ತು. ಈಗ ಅದೇ ಸಾಹಿತ್ಯ ಇರುವ ಈ ಹಾಡು ಹೇಗೆ ಮೂಡಿಬಂದಿದೆ ಎಂಬುದನ್ನು ತಿಳಿದುಕೊಳ್ಳುವ ಸಮಯ ಬಂದಿದೆ. ದರ್ಶನ್‌ ಸಿನಿಮಾ ಎಂದರೆ ಅಲ್ಲಿ ಸಂಗೀತಕ್ಕೆ ಹೆಚ್ಚು ಮಹತ್ವ ನೀಡಲಾಗುತ್ತದೆ. ಅದು 'ರಾಬರ್ಟ್' ಸಿನಿಮಾದಲ್ಲೂ ಮುಂದುವರಿದಿದೆ.