ಕನ್ನಡದ ಸೂಪರ್ ಹಿಟ್ ಚಿತ್ರಗಳಲ್ಲಿ ಒಂದಾದ ಕಿಚ್ಚ ಸುದೀಪ್ ಅಭಿನಯದ "ಹೆಬ್ಬುಲಿ"ಯಲ್ಲಿ ನಟಿಸಿದ್ದ ಬಹುಭಾಷಾ ನಟಿ ಅಮಲಾ ಪೌಲ್ ಗುಟ್ಟಾಗಿ ಎರಡನೇ ಮದುವೆಯಾಗಿದ್ದಾರೆ! ಕೆಲವು ವಾರಗಳ ಹಿಂದೆ, ಅಮಲಾ ಪೌಲ್ ತಮ್ಮ ಗೆಳೆಯ ಭವನಿಂದರ್ ಸಿಂಗ್ ಅವರೊಡನೆ ವಿವಾಹವಾಗಿದ್ದು ಈ ವಿವಾಹ ಕಾರ್ಯಕ್ರಮದ ಚಿತ್ರಗಳುಇದೀಗ ಸಾಮಾಜಿಕ ತಾಣಗಳಲ್ಲಿ ಸದ್ದು ಮಾಡುತ್ತಿವೆ.
ಭವನಿಂದರ್ ಸಿಂಗ್ ತಮ್ಮ ಇನ್ಸ್ಟಾಗ್ರಾಮ್ ನಲ್ಲಿ ಈ ಚಿತ್ರಗಳನ್ನು ಹಂಚಿಕೊಂಡಿದ್ದಾರೆ. "Wedding pics #throwback (sic)." ಎಂಬ ಶೀರ್ಷಿಕೆಯಲ್ಲಿ ಅವರು ಮದುವೆ ಚಿತ್ರಗಳನ್ನು ಹಾಕಿಕೊಂಡಿದ್ದು ಅವು ವೈರಲ್ ಆಗುತ್ತಿದ್ದಂತೆ ತಕ್ಷಣ ಅಳಿಸಿ ಹಾಕಿದ್ದಾರೆ. ಆದರೆ ಅವರು ಹಾಗೆ ಅಳಿಸಿ ಹಾಕುವ ವೇಳೆಗೆ ಬಹಳ ತಡವಾಗಿದೆ. ಚಿತ್ರಗಳು ಈಗಾಗಲೇ ವೈರಲ್ ಆಗಿದ್ದವಾಗಿ ಹಲವಾರು ಅಭಿಮಾನಿ ಗಳು ಅವನ್ನು ತಮ್ಮ ಪೇಜ್ ನಲ್ಲಿ ಹಂಚಿಕೊಂಡಿದ್ದರು.
ಇನ್ನೊಂದೆಡೆ ಇದು ಗುಟ್ಟಾಗಿ ನಡೆದ ಮದುವೆ ಎನ್ನುವುದನ್ನು ನಟಿಯ ಆಪ್ತ ಮೂಲಗಳು ಬಹಿರಂಗಪಡಿಸಿದೆ. ವರದಿಯ ಪ್ರಕಾರ, ಅಮಲಾ ಪಾಲ್ ಅವರು ಮುಂಬೈ ಮೂಲದ ಗಾಯಕ ಭವನ್ಂದರ್ ಸಿಂಗ್ ಅವರನ್ನು ಈಗ ಹಲವಾರು ವರ್ಷಗಳಿಂದ ಪ್ರೀತಿಸುತ್ತಿದ್ದರು. ಅಲ್ಲದೆ ವರದಿಗಳನ್ನೇ ನಂಬುವುದಾದರೆ ಅವರು ಲಿವಿ-ಇನ್ ರಿಲೇಷನ್ ಸಂಬಂಧವನ್ನು ಹೊಂದಿದ್ದರು.
2014 ರಲ್ಲಿ ಅಮಲಾ ಚಲನಚಿತ್ರ ನಿರ್ಮಾಪಕ ಎ.ಎಲ್.ವಿಜಯ್ ಅವರನ್ನು ಚೆನ್ನೈನಲ್ಲಿ ನಡೆದ ಅದ್ಧೂರಿ ಸಮಾರಂಭದಲ್ಲಿ ವಿವಾಹವಾಗಿದ್ದರು. ಆದರೆ ಇಬ್ಬರ ನಡುವೆ ಸರಿಪಡಿಸಲಾಗದ ಭಿನ್ನಾಭಿಪ್ರಾಯ ಉದ್ಭವಿಸಿದ್ದ ಕಾರಣ 2017 ರಲ್ಲಿ ವಿಚ್ಚೇದನ ಪಡೆದಿದ್ದರು.