ಒಟಿಟಿ ಫಾರ್ಮ್ ನಲ್ಲಿ ಲವ್ ಮಾಕ್ಟೇಲ್ ಹಾಗೂ ದಿಯಾ ಚಿತ್ರಗಳು ಸಂಚಲನ ಮೂಡಿಸುತ್ತಿದ್ದು, ರಮೇಶ್ ಅವರಿಂದ್ ನಟನೆಯ ಶಿವಜಿ ಸೂರತ್ಕಲ್ ಕೂಡ ಅದೇ ಹಾದಿ ಹಿಡಿಯಲಿದೆಯೇ ಎಂಬ ಅನುಮಾನಗಳು ಸಾಕಷ್ಟು ಪ್ರೇಕ್ಷಕರಲ್ಲಿ ಮೂಡತೊಡಗಿವೆ.
ಕೊರೋನಾ ವೈರಸ್ ಈಗಾಗಲೇ ಚಿತ್ರಮಂದಿರಗಳ ಮೇಲೆ ಕರಿ ನೆರಳು ಬೀರಿದ್ದು, ಜನರು ಚಿತ್ರಮಂದಿರಗಳಿಗೆ ತೆರಳಲು ಆತಂಕ ವ್ಯಕ್ತಪಡಿಸುತ್ತಿದ್ದಾರೆ. ಇದರ ಪರಿಣಾಮ ಸ್ಯಾಂಡಲ್'ವುಡ್ ನ ಇತ್ತೀಚಿನ ಉತ್ತಮ ಚಿತ್ರಗಳೆನಿಸಿಕೊಳ್ಲುತ್ತಿರುವ ಲವ್ ಮಾಕ್ಟೇಲ್ಸ ದಿಯಾ ಹಾಗೂ ಶಿವಾಜಿ ಸೂರತ್ಕಲ್ ಚಿತ್ರಗಳ ಮೇಲೂ ಗಂಭೀರ ಪರಿಣಾಮ ಬೀರತೊಡಗಿದೆ.
ಈಗಾಗಲೇ ಲವ್ ಮಾಕ್ಟೇಲ್ ಹಾಗೂ ದಿಯಾ ಚಿತ್ರಗಳು ಸ್ಮಾಲ್ ಸ್ಕ್ರೀನ್ ಗಳಲ್ಲಿ ಜನರನ್ನು ತಲುಪುತ್ತಿದ್ದು, ಚಿತ್ರಕ್ಕೆ ಜನರು ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ. ಆದರೆ, ಶಿವಾಜಿ ಸೂರತ್ಕಲ್ ಚಿತ್ರವನ್ನು ಮಾತ್ರ ಒಟಿಟಿ ಫಾರ್ಮ್ ನಲ್ಲಿ ತರಲು ನಿರ್ದೇಶಕ ಆಕಾಶ್ ಶ್ರೀವಾತ್ಸ ಅವರು ನಿರಾಕರಿಸಿದ್ದಾರೆ.
ಕೊರೋನಾ ವೈರಸ್ ದೂರಾಗುತ್ತಿದ್ದಂತೆಯ ಚಿತ್ರ ಮತ್ತೆ ಚಿತ್ರಮಂದಿರಗಳಲ್ಲಿ ಓಡಲಿದೆ ಎಂಬ ವಿಶ್ವಾರ ನನ್ನಲ್ಲಿ ಹಾಗೂ ನಿರ್ಮಾಪಕರಲ್ಲಿದೆ. ಪ್ರಸ್ತುತ ಚಿತ್ರ ಪ್ರದರ್ಶನಕ್ಕೆ ಕೊಂಚ ಬ್ರೇಕ್ ಬಿದ್ದಿದೆ ಅಷ್ಟೇ. ನಿಂತು ಹೋಗಿಲ್ಲ. ನಗರದಲ್ಲಿ 70 ಚಿತ್ರಮಂದಿರಗಳಲ್ಲಿ ಚಿತ್ರ ಪ್ರದರ್ಶನವಾಗುತ್ತಿತ್ತು. ಆದರೆ, ಆ ಚಿತ್ರಮಂದಿರಗಳು ಇದೀಗ ಬಂದ್ ಆಗಿವೆ. ಚಿತ್ರಮಂದಿರ ತೆರೆಯಲು ಅನುಮತಿ ದೊರೆಯುತ್ತಿದ್ದಂತೆಯೇ ಚಿತ್ರ ಪ್ರದರ್ಶಿಸುವುದಾಗಿ ಚಿತ್ರಮಂದಿರಗಳ ಮಾಲೀಕರು ತಿಳಿಸಿದ್ದಾರೆಂದು ಶ್ರೀವಾತ್ಸ ಅವರು ತಿಳಿಸಿದ್ದಾರೆ.