ಮುಂಬೈ: ಬಾಲಿವುಡ್ ನಟಿ ಕಂಗನಾ ರಣಾವತ್ ಅವರ ಕಚೇರಿಯ ಅಕ್ರಮ ನಿರ್ಮಾಣ ಭಾಗವನ್ನು ತೆರವುಗೊಳಿಸಿದ ಕೆಲವೇ ದಿನಗಳಲ್ಲಿ ಬೃಹತ್ ಮುಂಬೈ ಪಾಲಿಕೆ ಮತ್ತೊಂದು ನೊಟೀಸ್ ಜಾರಿಗೊಳಿಸಿದೆ. 

ಈ ಬಾರಿ ನಟಿಯ ಮನೆಯ ಕೆಲವು ಭಾಗಗಳು ಅಕ್ರಮವಾಗಿ ನಿರ್ಮಾಣಗೊಂಡಿವೆ ಎಂಬ ಕಾರಣ ನೀಡಿ ಬಿಎಂಸಿ ನೊಟೀಸ್ ಜಾರಿಗೊಳಿಸಿದೆ. 

ಬಿಎಂಸಿಯ ಪ್ರಕಾರ ಪಾಲಿ ಹಿಲ್ ನಲ್ಲಿದ್ದ ಕಂಗನಾ ಅವರ ಕಚೇರಿಯಲ್ಲಿನ ಅಕ್ರಮ ನಿರ್ಮಾಣಕ್ಕಿಂತಲೂ ಖರ್ ನಲ್ಲಿರುವ ಅವರ ನಿವಾಸದಲ್ಲಿ ಅಕ್ರಮ ಕಟ್ಟಡ ನಿರ್ಮಾಣದ ಪ್ರಮಾಣ ಹೆಚ್ಚಾಗಿದೆ ಎಂದು ಬಿಎಂಸಿ ಹೇಳಿದೆ. ಖರ್ ವೆಸ್ಟ್ ನಲ್ಲಿರುವ 5 ನೇ ಅಂತಸ್ತಿನಲ್ಲಿರುವ ಬಿಲ್ಡಿಂಗ್ ನಲ್ಲಿ ಕಂಗನಾ ನಿವಾಸವಿದೆ. ಸೆ.09 ರಂದು ಕಂಗನಾ ಕಚೇರಿಯನ್ನು ಬಿಎಂಸಿ ತೆರವುಗೊಳಿಸಿತ್ತು. ಆದರೆ ಹೈ ಕೋರ್ಟ್ ಮುಂದಿನ ಕಾರ್ಯಾಚರಣೆಗೆ ತಡೆ ನೀಡಿತ್ತು.