ಕನ್ನಡ ನಟಿ ತಾನ್ಯ ಹೋಪ್ 3450 ಕಿ.ಮೀ ರೈಡ್ ನಲ್ಲಿದ್ದಾರೆಯೆ? ಹೌದು, ನಟ ಮತ್ತೊಂದು ರೋಡ್ ಚಿತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಗುರು ಪವನ್ ನಿರ್ದೇಶನದ "ಎಧೆ ಮಾ ಕಥಾ"  ಹೆಸರಿನ  ಈ ಚಿತ್ರದಲ್ಲಿ ತಾನ್ಯ ಸುಮಂತ್ ಅಶ್ವಿನ್ ಗೆ ನಾಯಕಿಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ.  ಬೆಂಗಳೂರಿನ ನಟಿಯಾಗಿ ಬದಲಾದ ಮಾಡೆಲ್ ಈಗ ದಕ್ಷಿಣ ಭಾರತದ ಚಲನಚಿತ್ರೋದ್ಯಮಗಳಲ್ಲಿ ತನಗೊಂದು ಗಟ್ಟಿಯಾದ ಸ್ಥಾನ ಪಡೆದುಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ. ಈ ಹಿಂದೆ ತೆಲುಗಿನ "ಅಪ್ಪಟ್ಲೋ ಒಕದುಂಡೆವಾಡುವಾಂಡ್" ಚಿತ್ರದ ಮೂಲಕ ಟಾಲಿವುಡ್ ಗೆ ನಟಿ ಪಾದಾರ್ಪಣೆ ಮಾಡಿದ್ದರು.

ದರ್ಶನ್ ಅಭಿನಯದ "ಯಜಮಾನ" ಚಿತ್ರದಲ್ಲಿ ಕನ್ನಡದಲ್ಲಿನಟಿಸಿದ್ದ ಈ ನಟ ತಮಿಳಿನ "ಥಾಡಂ", "ಧರಾಲಾ ಪ್ರಭು" ಚಿತ್ರಗಳಲ್ಲಿಯೂ ಕೆಲಸ ಮಾಡಿದ್ದಾರೆ. ಲಾಕ್ ಡೌನ್ ನಂತರ ಅವರು ಸಹಿ ಮಾಡಿದ ಪ್ರಾಜೆಕ್ಟ್  "ಎಧೆ ಮಾ ಕಥಾ," ಆಗಿದ್ದು ಇದಕ್ಕೆ " ರೈಡರ್ ಸ್ಟೋರಿ" ಎಂದು ಟ್ಯಾಗ್ ಲೈನ್ ಕೊಡಲಾಗಿದೆ.

ಈ ಚಿತ್ರವು ರೋಡ್ ಟ್ರಿಪ್ ನ ಸುತ್ತ ಹೆಣೆದ ಕಥೆಯನ್ನಾಧರಿಸಿದೆ. ಇದರಲ್ಲಿ ಪ್ರಮುಖ ತಾರೆಯರು ಹಿಮಾಚಲಪ್ರದೇಶದ ಮನಾಲಿಗೆ ಬೈಕ್ ರೈಡ್ ಮಾಡುತ್ತಾರೆ.. ಈ ಹಿಂದೆ ಅಭಿಷೇಕ್ ಅಂಬರೀಶ್ ಅಭಿನಯದ "ಅಮರ್" ಎಂಬ ರೋಡ್ ಟ್ರಿಪ್ ಸಿನಿಮಾದ ಭಾಗವಾಗಿದ್ದ ತಾನ್ಯ ಗೆ "ಎಧೆ ಮಾ ಕಥಾ"ದಲ್ಲಿ ಸಹ ಬೈಕ್ ರೈಡ್ ನ ಕಥೆಯು ಸಿಕ್ಕಿದೆ. 

ಜಿ ಮಹೇಶ್ ಅವರ ಗುರಪ್ಪ ಪರಮೇಶ್ವರ ಪ್ರೊಡಕ್ಷನ್ಸ್ ನಿರ್ಮಿಸಿದ ಈ ಚಿತ್ರದಲ್ಲಿ ಶ್ರೀಕಾಂತ್ ಜೊತೆಗೆ ಸಮೀರ್, ಸಪ್ತಗಿರಿ, ಶ್ರೀಜಿತಾ ಘೋಷ್, ಸತ್ಯ ರಾಜೇಶ್, ಮತ್ತು ತ್ರಿವಿಕ್ರಮ್ ಸಾಯಿ ಪ್ರಮುಖ ಪಾತ್ರಗಳಲ್ಲಿದ್ದಾರೆ. ಚಿತ್ರ ಸಂಗೀತವನ್ನು ಸುನಿಲ್ ಕಶ್ಯಪ್ ನೀಡಿದ್ದರೆ ಸಿ ರಾಮ್ ಪ್ರಸಾದ್ ಕ್ಯಾಮರಾ ಕೆಲಸ ಮಾಡಿದ್ದಾರೆ,