ಬಿಗ್ ಬಾಸ್ ಕನ್ನಡ ಸೀಸನ್ 8 ರಿಯಾಲಿಟಿ ಶೋ ಮೂಲಕ ಹೆಸರಾದ ದಿವ್ಯಾ ಸುರೇಶ್ ಅವರು ತಮ್ಮ ಮುಂಬರುವ ಚಿತ್ರ ರೌಡಿ ಬೇಬಿ ಬಗ್ಗೆ ಇನ್ನಷ್ಟು ಗಮನ ನೀಡುತ್ತಿದ್ದಾರೆ. ಚಿತ್ರ ನಿರ್ಮಾಪಕರು ಇತ್ತೀಚೆಗೆ ರೆಡ್ಡಿ ಕೃಷ್ಣ ನಿರ್ದೇಶನದ ಚಿತ್ರದ ಎಮೋಷನಲ್ ಹಾಡಿನ ವಿಡಿಯೋವೊಂದನ್ನು ಬಿಡುಗಡೆ ಮಾಡಿದ್ದು, ಅಂದಿನಿಂದ ಹಾಡಿನಲ್ಲಿ ನಾಯಕ ನಟ ರವಿಗೌಡ ಜತೆಗೆ ದಿವ್ಯಾ ಅವರ ಲಿಪ್‌ಲಾಕ್ ದೃಶ್ಯ ಚರ್ಚೆಯ ಬಿಸಿ ಬಿಸಿ ಸಮಾಚಾರವಾಗಿದೆ. ಆದರೆ ಇಡೀ ಚಿತ್ರ ನೋಡದೆ ಕೇವಲ ಈ ಒಂದು ದೃಶ್ಯದಿಂದ ನಿರ್ಣಯಕ್ಕೆ ಬರಬಾರದೆಂದು ನಟಿ ದಿವ್ಯಾ ಹೇಳಿದ್ದಾರೆ.
“ಪುಸ್ತಕವನ್ನು ಅದರ ಮುಖಪುಟದಿಂದ ನಿರ್ಣಯಿಸಬೇಡಿ ಅದು ನನ್ನ ಟೇಕ್. ಕೇವಲ ಟೀಸರ್ ಮತ್ತು ಟ್ರೇಲರ್ ಗಳಿಂದ ಚಿತ್ರದ ಬಗ್ಗೆ ತೀರ್ಮಾನಕ್ಕೆ ಬರಬಾರದು".
"ಆ ದೃಶ್ಯದ ಅವಶ್ಯಕತೆಯನ್ನು ಅರಿಯಲು ವೀಕ್ಷಕರು ಚಿತ್ರವನ್ನು ವೀಕ್ಷಿಸಬೇಕು." ದಿವ್ಯಾ ಹೇಳಿದ್ದಾರೆ. “ ರೌಡಿ ಬೇಬಿ ಕಾಲೇಜು ಹಿನ್ನೆಲೆಯ ಪ್ರೇಮಕಥೆ ಎಂಬ ವಿಚಾರ ಬಹಿರಂಗವಾಗಿದೆ.ಈ ನಿರ್ದಿಷ್ಟ ಲಿಪ್-ಲಾಕ್ ದೃಶ್ಯವು ಕಥೆಯನ್ನು ಮುಂದೆ ಕೊಂಡೊಯ್ಯುವ ಒಂದು ನಿರ್ಣಾಯಕ ಸನ್ನಿವೇಶವೆಂದು ನಾನು ಹೇಳುತ್ತೇನೆ." ಥರ್ಡ್ ಕ್ಲಾಸ್, ಮತ್ತು ನಂ .9, ಹಿಲ್ಟನ್ ರೋಡ್ ಎಂಬ ಎರಡು ಸಿನಿಮಾಗಳಲ್ಲಿ ನಟಿಸಿರುವ ನಟಿ ದಿವ್ಯಾ ಹೇಳಿದ್ದಾರೆ.
ದಿವ್ಯಾ ಬ್ಯುಸಿ ಪೋಲೀಸ್ ಎನ್ನುವ ತೆಲುಗು ಸಿನಿಮಾದಲ್ಲಿ ಸಹ ಅಭಿನಯಿಸಿದ್ದರೂ ಅದು ಅವರಿಗೆ ನಿರೀಕ್ಷಿಸಿದಂತಹಾ ಪ್ರಸಿದ್ದಿಯನ್ನು ತಂದಿಲ್ಲ. ಆದರೆ ಬಿಗ್ ಬಾಸ್ ಶೋ ಜತೆಗೆ ಆಕೆ ಹುಡುಕುತ್ತಿದ್ದ ಖ್ಯಾತಿಯನ್ನು ಪಡೆದಿದ್ದಾರೆ. ಅದಾಗ ಅದೃಷ್ಟವು ಅವರತ್ತ ತಿರುಗಿತು. . "ನಾನು ಈ ಕ್ಷೇತ್ರಕ್ಕೆ ಹೊಸಬಳು.ಈ ರಿಯಾಲಿಟಿ ಶೋ ನಾನು ಯಾರೆಂದು ಅರ್ಥಮಾಡಿಕೊಳ್ಳಲು ಜನರಿಗೆ ಸಹಾಯ ಮಾಡಿದೆ" ಎಂದು ದಿವ್ಯಾ ಹೇಳುತ್ತಾರೆ. ನಟಿ ಸವಾಲಿನ ಪಾತ್ರಗಳನ್ನು ಇಷ್ಟಪಡುತ್ತಾರೆ. ಪಾತ್ರಗಳು ಪ್ರೇಕ್ಷಕರ ಮನಸ್ಸಿನಲ್ಲಿಉಳಿಯಬೇಕು ಎಂದು ಬಯಸುತ್ತಾರೆ.
"ನಾನು ಬಯೋಪಿಕ್ ಪಾತ್ರಗಳನ್ನು ಮಾಡುವುದಕ್ಕೆ ಬಯಸುತ್ತೇನೆ. ಅಂತಹ ಒಂದು ಕಥೆ ಪಡೆದುಕೊಳ್ಳುವ ಭರವಸೆ ಇದೆ" ಎಂದು ದಿವ್ಯಾ ಹೇಳುತ್ತಾರೆ, ಬಿಗ್ ಬಾಸ್ ಬಳಿಕ ಒಂದೆರಡು ಯೋಜನೆಗಳಿಗಾಗಿ ಮಾತುಕತೆಗಳು ನಡೆಯುತ್ತಿವೆ, ಅಂತಹಾ ಒಂದು ಸಿನಿಮಾದ ಬಗ್ಗೆ ವಿವರಗಳನ್ನು ಅಧಿಕೃತವಾಗಿ ಬಹಿರಂಗಪಡಿಸಲು ಲಾಕ್‌ಡೌನ್ ಅನ್ನು ತೆಗೆಯುವುದಕ್ಕಾಗಿ ಕಾಯುತ್ತಿದ್ದೇನೆ ಎಂದು ಅವರು ಹೇಳಿದ್ದಾರೆ.