ಕ್ರೇಜಿ ಸ್ಟಾರ್ ರವಿಚಂದ್ರನ್ ಅಭಿನಯದ 'ದೃಶ್ಯ2' ಸಿನಿಮಾದ ಟ್ರೇಲರ್ ಬಿಡುಗಡೆಯಾಗಿದೆ. 'ದೃಶ್ಯ' ಸಿನಿಮಾದ ಎರಡನೇ ಭಾಗವಾಗಿ ಈ ಸಿನಿಮಾ ನಿರ್ಮಾಣಗೊಂಡಿದೆ.
ಮಲಯಾಳಂನ 'ದೃಶ್ಯಂ' ಸಿನಿಮಾ ಸರಣಿಯನ್ನು ಆಧರಿಸಿದ ಕನ್ನಡ ಸಿನಿಮಾದ ಮೊದಲ ಭಾಗಕ್ಕೂ ವ್ಯಾಪಕ ಮೆಚ್ಚುಗೆ ವ್ಯಕ್ತವಾಗಿತ್ತು. ಈ ಸಿನಿಮಾ ಕನ್ನಡ, ತೆಲುಗು, ತಮಿಳು, ಹಿಂದಿ ಬಾಷೆಗಳಲ್ಲಿಯೂ ನಿರ್ಮಾಣವಾಗಿ ದೇಶಾದ್ಯಂತ ಜನಮನ್ನಣೆಗೆ ಪಾತ್ರವಾಗಿತ್ತು.
ರವಿಚಂದ್ರನ್, ಅನಂತ್ ನಾಗ್, ಪ್ರಭು, ನವ್ಯಾ ನಾಯರ್, ಆರೋಹಿ ನಾರಾಯಣ್ ಮತ್ತು ಪ್ರಮೋದ್ ಶೆಟ್ಟಿ ತಾರಾಗಣದಲ್ಲಿದ್ದಾರೆ. ಕನ್ನಡ ಅವತರಣಿಕೆಯ ಸಿನಿಮಾವನ್ನು ಪಿ. ವಾಸು ಅವರು ನಿರ್ದೇಶನ ಮಾಡಿದ್ದಾರೆ. ದೃಶ್ಯ-೨ ಸಿನಿಮಾ ಡಿಸೆಂಬರ್ ೧೦ರಂದು ಬಿಡುಗಡೆಯಾಗಲಿದೆ.