ಜಸ್ಟ್ ಪಾಸ್' ಸಿನಿಮಾಕ್ಕೆ ಹೊಸ ನಟಿಯೇ ಬೇಕೆಂದು ಚಿತ್ರತಂಡ ಹುಡುಕಾಟ ನಡೆಸಿತ್ತು. ಅಂತೆಯೇ, ಅವರಿಗೆ ಹೊಸ ಪ್ರತಿಭೆ ಪ್ರಣತಿ ಸಿಕ್ಕಿದೆ. 'ಡಾನ್ಸ್ ಕರ್ನಾಟಕ ಡಾನ್ಸ್', 'ಫ್ಯಾಮಿಲಿ ವಾರ್ ಸೀಸನ್ 2' ಶೋಗಳಲ್ಲಿ ರನ್ನರ್ ಅಪ್ ಆಗಿದ್ದ ಪ್ರಣತಿ, 'ಬ್ರಹ್ಮಗಂಟು' ಧಾರಾವಾಹಿಯಲ್ಲೂ ನಟಿಸಿ ಮನೆ ಮಾತಾಗಿದ್ದಾರೆ.
ಇದೀಗ 'ಜಸ್ಟ್ ಪಾಸ್' ಚಿತ್ರದ ಮೂಲಕ ನಾಯಕಿಯಾಗಿ ಕನ್ನಡ ಚಿತ್ರರಂಗಕ್ಕೆ ಎಂಟ್ರಿ ಕೊಡುತ್ತಿದ್ದಾರೆ. ಬ್ರಹ್ಮಗಂಟು' ಧಾರಾವಾಹಿಯಲ್ಲಿ ನಟಿಸಿ ಫೇಮಸ್ ಆಗಿರುವ ಪ್ರಣತಿ ಅವರು 'ಜಸ್ಟ್ ಪಾಸ್' ಸಿನಿಮಾದಲ್ಲಿ ಶ್ರೀ ಎದುರು ನಾಯಕಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ.
ಕೆ ಎಂ ರಘುರಾಮ್ ನಿರ್ದೇಶನದಲ್ಲಿ ಪ್ರಣತಿ ಶ್ರೀಗಳಿಗೆ ಜೋಡಿಯಾಗಲಿದ್ದಾರೆ. ಪ್ರಮುಖ ತಾರಾಗಣ ಮತ್ತು ಇತರ ಕಲಾವಿದರನ್ನು ಅಂತಿಮಗೊಳಿಸಿರುವ ನಿರ್ಮಾಪಕರು ಡಿಸೆಂಬರ್ 14 ರಂದು ಚಿತ್ರದ ಚಿತ್ರೀಕರಣವನ್ನು ಪ್ರಾರಂಭಿಸಲು ಯೋಜಿಸುತ್ತಿದ್ದಾರೆ.
ರಾಯ್ಸ್ ಎಂಟರ್‌ಟೈನ್‌ಮೆಂಟ್ ಬ್ಯಾನರ್‌ನಲ್ಲಿ ಶಶಿಧರ್ ಕೆವಿ ಮತ್ತು ಶ್ರೀಧರ್ ವಿಕೆ ನಿರ್ಮಿಸಿರುವ ಜಸ್ಟ್ ಪಾಸ್ ಸಿನಿಮಾದಲ್ಲಿ ರಂಗಾಯಣ ರಘು, ಸಾಧುಕೋಕಿಲ, ಸುಚೇಂದ್ರ ಪ್ರಸಾದ್, ನವೀನ್ ಡಿ ಪಡಿಕ್ಕಲ್, ಪ್ರಕಾಶ್ ತೂಮಿನಾಡ್, ದೀಪಕ್ ರೈ, ಅರ್ಪಿತಾ, ಚಂದು ಶ್ರೀ, ಯಶಿಕಾ, ವಿಶ್ವಾಸ್, ನಿಖಿಲ್, ಗಗನ್, ತಾರಾಗಣದಲ್ಲಿದ್ದಾರೆ. ಹರ್ಷವರ್ಧನ್ ರಾಜ್ ಅವರ ಸಂಗೀತವಿರುವ ಜಸ್ಟ್ ಪಾಸ್ ಚಿತ್ರಕ್ಕೆ ವೀನಸ್ ನಾಗರಾಜ ಮೂರ್ತಿ ಅವರ ಛಾಯಾಗ್ರಹಣವಿದೆ.