ಇತ್ತೀಚೆಗೆ ಬಿಡುಗಡೆಯಾದ ಗಾಳಿಪಟ 2ರ ಯಶಸ್ಸಿನ ಗುಂಗಿನಲ್ಲಿದ್ದಾರೆ ನಟಿ ವೈಭವಿ ಶಾಂಡಿಲ್ಯ. ಯೋಗರಾಜ್ ಭಟ್ ನಿರ್ದೇಶನದ ಈ ಚಿತ್ರದಲ್ಲಿ ವೈಭವಿ ಅವರು ನಟ ಗಣೇಶ್ ಅವರಿಗೆ ನಾಯಕಿಯಾಗಿ ನಟಿಸಿದ್ದಾರೆ. ಮುಂಬೈ ಮೂಲದ ನಟಿ, ಸದ್ಯ ನಟ ಧ್ರುವ ಸರ್ಜಾ-ಎಪಿ ಅರ್ಜುನ್ ಅವರ 'ಮಾರ್ಟಿನ್' ಸಿನಿಮಾದ ಚಿತ್ರೀಕರಣದಲ್ಲಿ ಬ್ಯುಸಿಯಾಗಿದ್ದು, ಗಾಳಿಪಟ 2 ನಲ್ಲಿನ ಶ್ವೇತಾ ಪಾತ್ರಕ್ಕಾಗಿ ಜನರು ಆಕೆಯನ್ನು ಗುರುತಿಸಿದಾಗ ಅವರ ಹೃದಯವು ಸಂತೋಷದಿಂದ ತುಂಬುತ್ತದೆ ಎಂದು ಸಂತಸ ಹಂಚಿಕೊಂಡಿದ್ದಾರೆ.

ನಾನು ನನ್ನ ಕುಟುಂಬದೊಂದಿಗೆ ಮುಂಬೈನಲ್ಲಿ ಚಿತ್ರ ವೀಕ್ಷಿಸಲು ಹೋಗಿದ್ದೆ. ಜನರು ಹೆಚ್ಚಿನ ಸಂಖ್ಯೆಯಲ್ಲಿ ಬಂದಿದ್ದರು ಮತ್ತು ಅವರೆಲ್ಲರೂ ನನ್ನನ್ನು ಗುರುತಿಸಿ ಪ್ರೀತಿಯಿಂದ ಮಾತನಾಡಿದರು. ನಾನು ಇತ್ತೀಚೆಗೆ ಉಡುಪಿಯಲ್ಲಿ ಶೂಟಿಂಗ್‌ನಲ್ಲಿದ್ದಾಗಲೂ ಜನ ನನ್ನನ್ನು ‘ಗಾಳಿಪಟದ ಹುಡುಗಿ’ ಎಂದು ಕರೆಯುತ್ತಿದ್ದರು ಮತ್ತು ನನ್ನೊಂದಿಗೆ ಮಾತನಾಡುತ್ತಿದ್ದರು. ನಾನು ಐದು ವರ್ಷಗಳ ಹಿಂದೆ ಶರಣ್ ಅಭಿನಯದ 'ರಾಜ್ ವಿಷ್ಣು' ಸಿನಿಮಾದೊಂದಿಗೆ ಕನ್ನಡಕ್ಕೆ ಪದಾರ್ಪಣೆ ಮಾಡಿದ್ದೆ. ಇದೀಗ ನನ್ನ ಪುನರಾಗಮನಕ್ಕೆ ಇನ್ನಷ್ಟು ಆತ್ಮೀಯ ಸ್ವಾಗತ ಸಿಕ್ಕಿದ್ದು ಈಗ ನಾನು ರೋಮಾಂಚನಗೊಂಡಿದ್ದೇನೆ. ನನ್ನ ನಟನೆಯು ಅಂತಿಮವಾಗಿ ಫಲ ನೀಡಿದೆ ಎಂದು ನಾನು ಭಾವಿಸುತ್ತೇನೆ ಮತ್ತು ಕರ್ನಾಟಕದ ಎಲ್ಲಾ ಜನರ ಪ್ರೀತಿಯಲ್ಲಿ ನಾನು ಮುಳುಗಿದ್ದೇನೆ ಎನ್ನುತ್ತಾರೆ.

ಇದನ್ನೂ ಓದಿ: ಯೋಗರಾಜ್ ಭಟ್ಟರ ಗಾಳಿಪಟ 2 ಗೆ ವಿದೇಶಗಳಲ್ಲಿ ಭರ್ಜರಿ ರೆಸ್ಪಾನ್ಸ್

ವೈಭವಿ ಅವರು ತಮ್ಮ ಮುಂಬರುವ ಮಾರ್ಟಿನ್ ಚಿತ್ರದ ಬಗ್ಗೆಯೂ ಹೆಚ್ಚಿನ ನಿರೀಕ್ಷೆಯನ್ನು ಇಟ್ಟುಕೊಂಡಿದ್ದಾರೆ. 'ಮಾರ್ಟಿನ್ ನನ್ನ ಮೊದಲ ಪ್ಯಾನ್ ಇಂಡಿಯಾ ಸಿನಿಮಾ. ಇದರಲ್ಲಿ ಕೆಲಸ ಮಾಡಿದ್ದು ಅದ್ಭುತ ಅನುಭವ. ನಾನು ಬಬ್ಲಿ ಗರ್ಲ್ ಆಗಿ ನಟಿಸುತ್ತಿದ್ದೇನೆ. ಇದು ನನ್ನ ನಿಜ ಜೀವನಕ್ಕೆ ಹತ್ತಿರದ ಪಾತ್ರವಾಗಿದೆ ಎನ್ನುತ್ತಾರೆ ವೈಭವಿ.

ಇದನ್ನೂ ಓದಿ: ಯೋಗರಾಜ್ ಭಟ್ ಸಿನಿಮಾದಲ್ಲಿ ಕೆಲಸ ಮಾಡಿದ್ದು ನನ್ನ ವೃತ್ತಿ ಜೀವನದ ಮೈಲಿಗಲ್ಲು: ಶರ್ಮಿಳಾ ಮಾಂಡ್ರೆ!

ಕನ್ನಡ ಚಿತ್ರರಂಗದಲ್ಲಿ ತನ್ನನ್ನು ತಾನು ಸ್ಥಾಪಿಸಿಕೊಳ್ಳಲು ಎದುರು ನೋಡುತ್ತಿದ್ದೇನೆ. 'ನಾನು ವಿಭಿನ್ನ ಪಾತ್ರಗಳೊಂದಿಗೆ ಪ್ರಯೋಗ ಮಾಡಲು ಇಷ್ಟಪಡುತ್ತೇನೆ ಮತ್ತು ನನ್ನನ್ನು ಇಂತದ್ದೇ ಪಾತ್ರಕ್ಕೆಂದು ನಿರ್ಬಂಧಿಸಿಕೊಳ್ಳುವುದಿಲ್ಲ. ಇದೀಗ ನನಗೆ ಬೆರಳೆಣಿಕೆಯಷ್ಟು ಕನ್ನಡ ಚಿತ್ರಗಳ ಆಫರ್ ಬಂದಿದೆ. ಆದಾಗ್ಯೂ, ನನ್ನ ಮುಂದಿನ ಯೋಜನೆಗಳನ್ನು ಘೋಷಿಸುವ ಮೊದಲು 'ಮಾರ್ಟಿನ್' ಸಿನಿಮಾ ಪೂರ್ಣಗೊಳ್ಳುವುದನ್ನು ನಾನು ಇನ್ನೂ ಕಾಯುತ್ತಿದ್ದೇನೆ' ಎಂದು ಹೇಳುತ್ತಾರೆ.