ಬೆಂಗಳೂರು: ಕೆಜಿಎಫ್ 2 ಬಾಕ್ಸ್ ಆಫೀಸ್ ನಲ್ಲಿ ಭರ್ಜರಿ ಯಶಸ್ಸು ಸಾಧಿಸಿದ ನಂತರ ಟೈಲರ್ ಗಳಲ್ಲಿ ಅಸಂಖ್ಯಾತ ಅಭಿಮಾನಿಗಳು ಹುಟ್ಟಿಕೊಂಡಿದ್ದಾರೆ. ಉತ್ತರ ಪ್ರದೇಶದ ಬಟ್ಟೆ ಅಂಗಡಿಗಳಲ್ಲಿ ಯಶ್ ಅವರ ರಾಕಿ ಭಾಯ್ ಶೈಲಿಯ ಸೂಟ್ ಗಳಿಗೆ ತುಂಬಾ ಬೇಡಿಕೆಯಿದೆ.

ಲಖನೌನ ಕೆಲವೊಂದು ಬಟ್ಟೆ ಅಂಗಡಿಗಳಲ್ಲಿ ಯಶ್ ಅವರ ಫೋಸ್ಟರ್ ಹಾಕಲಾಗಿದ್ದು, ಇದೇ ರೀತಿಯ ಸೂಟ್ ಗಳನ್ನು ಮಾಡಿಕೊಡುವುದಾಗಿ ಗ್ರಾಹಕರಿಗೆ ಹೇಳುತ್ತಿದ್ದಾರೆ. ಜಾಪರ್ ಸನ್ಸ್ ಟೈಲರ್ಸ್, ಬೋಲಾ ಕ್ಲಾತ್ ಹೌಸ್ ಸೇರಿದಂತೆ ಮತ್ತಿತರ ಹೊಸ ಬಟ್ಟಣೆ ಅಂಗಡಿಗಳಲ್ಲಿ ರಾಕಿ ಭಾಯ್ ಶೈಲಿಯ ಸೂಟ್ ಗಳನ್ನು ಮಾಡಿಕೊಡಲಾಗುತ್ತಿದೆ.

ಇದನ್ನೂ ಓದಿ: ದೇಶೀಯ ಬಾಕ್ಸ್ ಆಫೀಸ್ ನಲ್ಲಿ 1000 ಕೋಟಿ ಕ್ಲಬ್ ಸೇರಿದ ಕೆಜಿಎಫ್ 2: ಬಾಹುಬಲಿ 2ರ ನಂತರ ಇತಿಹಾಸ ಮರುಸೃಷ್ಟಿ!

ಇದರ ಹೊರತಾಗಿ, ಕೆಜಿಎಫ್ 2 ಮೊದಲ ದಿನವೇ ಹಿಂದಿ ಮಾರುಕಟ್ಟೆಯಲ್ಲಿ 54 ಕೋಟಿ ರೂಪಾಯಿ ಕಲೆಕ್ಷನ್ ಮಾಡುವುದರೊಂದಿಗೆ ಬಾಕ್ಸ್ ಆಫೀಸ್ ಅನ್ನು ಪುನರುಜ್ಜೀವನಗೊಳಿಸಿದ ಹೆಗ್ಗಳಿಕೆಗೂ ಯಶ್ ಪಾತ್ರರಾಗಿದ್ದಾರೆ.