ಬೆಂಗಳೂರು: ಇಲ್ಲಿ ನಡೆದ ಸಮಾರಂಭದಲ್ಲಿ ಅಶ್ವಿನಿ ಪುನೀತ್ ರಾಜ್ಕುಮಾರ್ ಅವರು ಬೃಂದಾ ಆಚಾರ್ಯ ನಾಯಕಿಯಾಗಿರುವ 'ಜೂಲಿಯೆಟ್ 2' ಕನ್ನಡ ಸಿನಿಮಾದ ಟೀಸರ್ ಅನ್ನು ಬಿಡುಗಡೆ ಮಾಡಿದರು.
ತನ್ನ ತಂದೆಗೆ ತುಂಬಾ ಆತ್ಮೀಯಳಾಗಿರುವ ಸ್ವತಂತ್ರ ಮಹಿಳೆಯೊಬ್ಬರ (ಜೂಲಿಯೆಟ್) ಕಥೆಯನ್ನು ಚಿತ್ರ ಒಳಗೊಂಡಿದೆ. ಶ್ರದ್ಧೆ ಮತ್ತು ಕಾಳಜಿಯುಳ್ಳ ಮಗಳಾಗಿರುವ ಆಕೆ ತನ್ನ ತಂದೆಯ ಕನಸುಗಳನ್ನು ನನಸಾಗಿಸಲು ಬಯಸುತ್ತಾಳೆ. ಒಂದು ರಾತ್ರಿ, ಆಕೆಯು ತನ್ನ ಹಿಂದಿನ ಘಟನೆಗಳಿಗೆ ಮರುಸಂಪರ್ಕಿಸುವ ಭಯಾನಕ ಘಟನೆಗೆ ಸಾಕ್ಷಿಯಾಗುತ್ತಾಳೆ.
ಕನ್ನಡ ಚಿತ್ರರಂಗದಲ್ಲಿ ತಮ್ಮ ನಗುವಿನಿಂದಲೇ ಕೋಟ್ಯಂತರ ಅಭಿಮಾನಿಗಳನ್ನು ಸಂಪಾದಿಸಿದ್ದ ದಿವಂಗತ ನಟ ಪವರ್ ಸ್ಟಾರ್ ಪುನೀತ್ ರಾಜ್ಕುಮಾರ್ ಅವರು ಮಾಡಿದ್ದ ಒಳ್ಳೆ ಕೆಲಸಗಳನ್ನು ಅವರ ಪತ್ನಿ ಅಶ್ವಿನಿ ಪುನೀತ್ ರಾಜ್ಕುಮಾರ್ ಮುಂದುವರಿಸಿಕೊಂಡು ಹೋಗುತ್ತಿದ್ದಾರೆ. ಇದರ ಭಾಗವಾಗಿ ಹೊಸ ಪ್ರತಿಭೆಗಳ ಚಿತ್ರಕ್ಕೆ ಬೆಂಬಲ ಸೂಚಿಸುತ್ತಿದ್ದಾರೆ.
ಪ್ರತೀಕಾರದ ದಾಳಿಯ ಸುತ್ತ ಕಥೆ ಸುತ್ತುತ್ತದೆ. ಆ ಕರಾಳ ಬಾಗಿಲುಗಳ ಹಿಂದಿನ ಕ್ರೂರತೆಯ ಮೇಲೆ ಜೂಲಿಯೆಟ್ ಮೇಲುಗೈ ಸಾಧಿಸಲು ಸಾಧ್ಯವಾಗುತ್ತದೆಯೇ? ಎನ್ನುವುದು ಚಿತ್ರದ ತಿರುಳು.
ಟೀಸರ್ ಬಿಡುಗಡೆ ಸಮಾರಂಭದಲ್ಲಿ ನಿರ್ಮಾಪಕ ಲಿಕಿತ್ ಆರ್. ಕೋಟ್ಯಾನ್, ನಿರ್ದೇಶಕ ವಿರಾಟ್ ಬಿ. ಗೌಡ, ಮತ್ತು ಬೃಂದಾ ಆಚಾರ್ಯ ಮತ್ತು ಸಹನಟ ಶ್ರೀಕಾಂತ್ ರಾಯ್ ಬಡಿಗೇರ್ ಉಪಸ್ಥಿತರಿದ್ದರು.
ಚಿತ್ರವು ಇದೇ ಫೆಬ್ರವರಿಯಲ್ಲಿ ಬಿಡುಗಡೆಯಾಗಲಿದೆ ಮತ್ತು ವಿತರಣಾ ಹಕ್ಕುಗಳು ರಿಲಯನ್ಸ್ ಎಂಟರ್ಟೈನ್ಮೆಂಟ್ ಸ್ಟುಡಿಯೋಸ್ ಪಾಲಾಗಿದೆ.