Ramayana: ರಾಮ-ಸೀತೆ ಪಾತ್ರದಾರಿ ರಣಬೀರ್, ಸಾಯಿ ಪಲ್ಲವಿ ಫೋಟೋ ಲೀಕ್; ಕೇಸರಿಗೆ ಕೊಕ್ ಕೊಟ್ಟ ನಿರ್ದೇಶಕ?

ನಿತೇಶ್ ತಿವಾರಿಯವರ ರಾಮಾಯಣ ಈ ಕಾಲದ ದೊಡ್ಡ ಚಿತ್ರ ಎಂದು ಪರಿಗಣಿಸಲಾಗಿದೆ. ಇನ್ನು ಏಪ್ರಿಲ್ ಆರಂಭದಿಂದಲೇ ಚಿತ್ರೀಕರಣ ಆರಂಭಗೊಂಡಿದೆ. ರಾಮ ಪಾತ್ರದಲ್ಲಿ ರಣಬೀರ್ ಕಪೂರ್ ಅವರನ್ನು ನೋಡಲು ಅಭಿಮಾನಿಗಳು ಕಾಯುತ್ತಿದ್ದರು. ಇದೀಗ ಸೆಟ್‌ನಿಂದ ಕೆಲವು ಚಿತ್ರಗಳು ಲೀಕ್ ಆಗಿದ್ದು, ಚಿತ್ರದ ಬಗ್ಗೆ ಅಭಿಮಾನಿಗಳ ಉತ್ಸಾಹ ಹೆಚ್ಚಿಸಿದೆ.

ಮುಂಬೈನಲ್ಲಿ ರಾಮಾಯಣ ಚಿತ್ರೀಕರಣಕ್ಕಾಗಿ ಅದ್ಧೂರಿ ಸೆಟ್‌ ಹಾಕಲಾಗಿದೆ. ಈ ಸೆಟ್‌ನಲ್ಲಿ ಸಾಯಿ ಪಲ್ಲವಿ ಸೀತೆಯ ಪಾತ್ರದಲ್ಲಿ ಮತ್ತು ರಣಬೀರ್ ರಾಮನ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ಚಿತ್ರಗಳು ಸೋರಿಕೆಯಾಗಿವೆ.

ರಾಮಾಯಣದ ಸೆಟ್‌ಗಳಿಂದ ಸೋರಿಕೆಯಾದ ಚಿತ್ರಗಳಲ್ಲಿ ರಣಬೀರ್ ರಾಮನಾಗಿ ಕಾಣಿಸಿಕೊಂಡಿದ್ದಾರೆ. ಇನ್ನು ಪಾತ್ರದಾರಿಗಳು ಕೇಸರಿ ಅಲ್ಲ, ಬದಲಿಗೆ ಮರೂನ್ ಮತ್ತು ನೇರಳೆ ಬಣ್ಣದ ಉಡುಪನ್ನು ಧರಿಸಿದ್ದಾರೆ. ರಣಬೀರ್ ಕೊರಳಲ್ಲಿ ಚಿನ್ನದ ನೆಕ್ಲೇಸ್ ಮತ್ತು ಬಳೆ ಧರಿಸುತ್ತಾರೆ. ಸಾಯಿ ಪಲ್ಲವಿ ಕೂಡ ಸೀತೆಯ ಉಡುಪಿನಲ್ಲಿ ತುಂಬಾ ಸುಂದರವಾಗಿ ಕಾಣುತ್ತಿದ್ದಾರೆ. ನಟಿಯ ಮುಖದಲ್ಲಿ ಸರಳತೆ ಗೋಚರಿಸುತ್ತದೆ. ಮೊದಲ ಕೆಲವು ಚಿತ್ರಗಳನ್ನು ನೋಡಿದಾಗ, ಈ ವೇಳಾಪಟ್ಟಿ ರಾಮ-ಸೀತಾ ವಿವಾಹದ ನಂತರ ಎಂದು ತೋರುತ್ತದೆ. ಇಬ್ಬರೂ ರಾಜ-ರಾಣಿಯಂತೆ ಕಾಣುತ್ತಾರೆ.

ಈ ಹಿಂದಿನ ಟಿವಿ ಮತ್ತು ಸಿನಿಮಾಗಳ ರಾಮಾಯಣದಲ್ಲಿ, ರಾಮ ಮತ್ತು ಸೀತೆ ಕೇಸರಿ ಬಣ್ಣದ ಉಡುಪಿನಲ್ಲಿ ಕಾಣಿಸಿಕೊಂಡಿದ್ದಾರೆ. ಆದರೆ ನಿತೇಶ್ ತಿವಾರಿ ತಮ್ಮ ರಾಮಾಯಣಕ್ಕೆ ಬೇರೆಯದೇ ಬಣ್ಣ ಕೊಡುವ ಪ್ರಯತ್ನ ಮಾಡಿದ್ದಾರೆ. ಸರಳತೆಯನ್ನು ಕಾಯ್ದುಕೊಳ್ಳುವುದರ ಜೊತೆಗೆ ನಟರಿಗೆ ಸಿಂಪಲ್ ಲುಕ್ ನೀಡಲಾಗಿದೆ.

ಇತ್ತೀಚೆಗೆ, ಕೈಕೇಯಿಯಾಗಿ ಲಾರಾ ದತ್ತಾ ಮತ್ತು ಮಂಥರಾ ಪಾತ್ರದಲ್ಲಿ ಶೀಬಾ ಚಡ್ಡಾ ಅವರ ಕೆಲವು ಚಿತ್ರಗಳು ಸಹ ಸೆಟ್‌ಗಳಿಂದ ಸೋರಿಕೆಯಾಗಿದ್ದವು. ಮುಂಬೈನಲ್ಲಿ ನಿರ್ಮಿಸಿರುವ ಭವ್ಯ ಸೆಟ್‌ನಲ್ಲಿ ರಾಮನ ಜನ್ಮ, ಗುರುಕುಲ, ರಾಮ-ಸೀತಾ ವಿವಾಹದಂತಹ ಕೆಲವು ಪ್ರಮುಖ ದೃಶ್ಯಗಳನ್ನು ಚಿತ್ರೀಕರಿಸಲಾಗಿದೆ. ರಾವಣ ಮತ್ತು ಹನುಮಾನ ಪಾತ್ರದಲ್ಲಿ ಯಶ್ ಮತ್ತು ಸನ್ನಿ ಡಿಯೋಲ್ ಜುಲೈನಿಂದ ತಮ್ಮ ಭಾಗಗಳ ಚಿತ್ರೀಕರಣವನ್ನು ಪ್ರಾರಂಭಿಸಲಿದ್ದಾರೆ. ಮಾಧ್ಯಮ ವರದಿಗಳ ಪ್ರಕಾರ, ರಾಮಾಯಣದ ಮುಂದಿನ ವೇಳಾಪಟ್ಟಿಯನ್ನು ಲಂಡನ್‌ನಲ್ಲಿ ಚಿತ್ರೀಕರಿಸಬಹುದು.