'ಬಿಗ್ ಬಾಸ್ ಅಗ್ನಿಪರೀಕ್ಷೆ' ವೇದಿಕೆಯಲ್ಲಿ ಸ್ಪರ್ಧಿಯೊಬ್ಬರಿಗೆ 'ವೃತ್ತವೊಂದಕ್ಕೆ ಎಷ್ಟು ಸೈಡ್ಸ್ ಇರುತ್ತದೆ?' ಎಂದು ಕೇಳಿ ಜ್ಯೂರಿ ಸ್ಥಾನದಲ್ಲಿದ್ದ ವಿನಯ್ ಗೌಡ ನಗೇಪಾಟಲೀಗೆ ಗುರಿಯಾಗಿದ್ದರು. ಇದೀಗ ವೇದಿಕೆ ಮೇಲಿದ್ದ ಸ್ಪರ್ಧಿಯೊಬ್ಬರಿಗೆ ಗೆಟ್ ಔಟ್ ಎಂದು ಹೇಳಿದ ವಿನಯ್ ಗೌಡಗೆ ಸ್ಪರ್ಧಿ ತಿರುಗೇಟು ನೀಡಿರುವ ವಿಡಿಯೋ ವೈರಲ್ ಆಗಿದೆ.
ಬಿಗ್ ಬಾಸ್ ಕನ್ನಡ ಸೀಸನ್ 13ರ ಅಗ್ನಿಪರೀಕ್ಷೆ ವೇದಿಕೆಯಲ್ಲಿ ಸ್ಪರ್ಧಿ ಶ್ರೇಯಸ್ ಗೆ ಟಾಸ್ಕ್ ವೇಳೆ ವಿನಯ್ ಗೌಡ ʻಗೆಟ್ ಔಟ್ʼ ಎಂದು ಹೇಳಿದ್ದರು. ಇದಕ್ಕೆ ಆಕ್ರೋಶಗೊಂಡ ಶ್ರೇಯಸ್ ಕೂಡ ತಮ್ಮದೇ ಶೈಲಿಯಲ್ಲಿ ಟಾಂಗ್ ನೀಡಿದ್ದಾರೆ. ಗೆಟ್ ಔಟ್ ಬೇಡ ಬ್ರೇ... ನಾನು ಇಲ್ಲಿ ಗೆಟ್ ಔಟ್ ಅನಿಸಿಕೊಳ್ಳೋದಕ್ಕೆ ಬಂದಿಲ್ಲ. ನನಗೂ ನಿಮಗೂ ಏನಾದರೂ ವಾದ-ವಿವಾದ ಆಗಿದ್ರೆ ಗೆಟ್ ಔಟ್ ಅನ್ಬಹುದು ಎಂದರು. ಈ ಘಟನೆಯ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದು, ವಿನಯ್ ಗೌಡ ನಡವಳಿಕೆ ವಿರುದ್ಧ ನೆಟ್ಟಿಗರು ಟ್ರೋಲ್ ಮಾಡುತ್ತಿದ್ದಾರೆ.
ತೀರ್ಪುಗಾರ ಸ್ಥಾನದಲ್ಲಿ ಕುಳಿತಿರುವ ವಿನಯ್ ಗೌಡ ಅವರು ಮತ್ತಷ್ಟು ಸಂಯಮದಿಂದ ವರ್ತಿಸಬೇಕಿತ್ತು. ಬಿಗ್ ಬಾಸ್ ನಿರೂಪಕ ಕಿಚ್ಚ ಸುದೀಪ್ ಅವರಂತಹ ದೊಡ್ಡ ಸ್ಟಾರ್ ಕೂಡಾ ಇಷ್ಟು ಅಗೌರವದಿಂದ ಮಾತನಾಡುವುದಿಲ್ಲ ಎಂದೆಲ್ಲಾ ನೆಟ್ಟಿಗರು ಕಾಮೆಂಟ್ ಮಾಡುತ್ತಿದ್ದಾರೆ.