ಬೇಲ್ ಸಿನಿಮಾದಲ್ಲಿ ಶಿವಣ್ಣ 
ಸಿನಿಮಾ ಸುದ್ದಿ

ಶಿವಣ್ಣ ಹುಟ್ಟುಹಬ್ಬದಂದು ಮಹತ್ವದ ಘೋಷಣೆ: 'ಬೇಲ್' ಸಿನಿಮಾ ರಿಲೀಸ್ ಡೇಟ್ ಅನೌನ್ಸ್!

ಶಿವರಾಜ್ ಕುಮಾರ್ ಹುಟ್ಟುಹಬ್ಬದಂದು ಬೇಲ್ ಸಿನಿಮಾ ಬಿಡುಗಡೆ ದಿನಾಂಕವನ್ನು ಹಂಚಿಕೊಳ್ಳಲಾಗಿದೆ. ಕೆವಿಎನ್ ಪ್ರೊಡಕ್ಷನ್ ಬ್ಯಾನರ್ "ಹ್ಯಾಪಿ ಬರ್ತ್‌ಡೇ ಡೇರ್‌ಡೆವಿಲ್" ಎಂಬ ಪೋಸ್ಟರ್ ಹಂಚಿಕೊಂಡಿದೆ.

ಬೆಂಗಳೂರು: ಡಾ. ಶಿವರಾಜ್‌ಕುಮಾರ್ ಸಾಲ್ಟ್ ಅಂಡ್ ಪೆಪ್ಪರ್ ಲುಕ್‌ನಲ್ಲಿ ಕಾಣಿಸಿಕೊಂಡಿರುವ 'ಬೇಲ್' ಸಿನಿಮಾದ ಬಿಡುಗಡೆ ದಿನಾಂಕ ಸದ್ದಿಲ್ಲದೆ ಅನೌನ್ಸ್ ಆಗಿದೆ. ಪವನ್ ಒಡೆಯರ್ ನಿರ್ದೇಶನದ ಹಾಗೂ ಕೆವಿಎನ್ ಪ್ರೊಡಕ್ಷನ್ಸ್ ನಿರ್ಮಾಣದ ಈ ಹೈ-ವೋಲ್ಟೇಜ್ ಆಕ್ಷನ್ ಡ್ರಾಮಾ ಗಾಂಧಿ ಜಯಂತಿಯಂದು ತೆರೆಕಾಣಲಿದೆ.

ಶಿವರಾಜ್ ಕುಮಾರ್ ಹುಟ್ಟುಹಬ್ಬದಂದು ಬೇಲ್ ಸಿನಿಮಾ ಬಿಡುಗೆ ದಿನಾಂಕವನ್ನು ಹಂಚಿಕೊಳ್ಳಲಾಗಿದೆ. ಕೆವಿಎನ್ ಪ್ರೊಡಕ್ಷನ್ ಬ್ಯಾನರ್ "ಹ್ಯಾಪಿ ಬರ್ತ್‌ಡೇ ಡೇರ್‌ಡೆವಿಲ್" ಎಂಬ ಪೋಸ್ಟರ್ ಹಂಚಿಕೊಂಡಿದ್ದು, ಅಕ್ಟೋಬರ್ 2 ರಂದು ಬೈಲ್ ಬಿಡುಗಡೆ ದಿನಾಂಕವನ್ನು ದೃಢಪಡಿಸಿದೆ.

ಈ ಹಿಂದೆ ತಂಡವು ಟೀಸರ್ ಅನ್ನು ಬಿಡುಗಡೆ ಮಾಡಿತ್ತು, ಇದು ಪ್ರೇಕ್ಷಕರನ್ನು ಚಿತ್ರದ ತೀವ್ರವಾದ, ಆಕ್ಷನ್-ಪ್ಯಾಕ್ಡ್ ಜಗತ್ತಿಗೆ ಪರಿಚಯಿಸಿತು, ಸಾಲ್ಟ್ ಪೆಪ್ಪರ್ ಲುಕ್ ಓವರ್‌ನೊಂದಿಗೆ ಸಂಪೂರ್ಣವಾಗಿ ಹೊಸ ಅವತಾರದಲ್ಲಿ ಶಿವಣ್ಣನ ಕಾಣಿಸಿಕೊಂಡಿದ್ದಾರೆ. ನಿರಂತರವಾಗಿ ತನ್ನನ್ನು ತಾನು ಮರುಶೋಧಿಸುವುದಕ್ಕೆ ಹೆಸರುವಾಸಿಯಾದ ಶಿವ ರಾಜ್‌ಕುಮಾರ್ ರಗಡ್ ಆದರೆ ಕ್ಲಾಸಿ ಲುಕ್ ಹೊಂದಿದ್ದಾರೆ, ಇದು ಈಗಾಗಲೇ ಅಭಿಮಾನಿಗಳಲ್ಲಿ ಸಾಕಷ್ಟು ಸಂಚಲನವನ್ನು ಸೃಷ್ಟಿಸಿದೆ.

ಶಿವಣ್ಣನ 131 ನೇ ಚಿತ್ರವಾದ ಬೇಲ್ ಸಿನಿಮಾದಲ್ಲಿ ಅವರು ವಿಜಿಯಾಗಿ ನಟಿಸುತ್ತಿದ್ದಾರೆ, ಇತ್ತೀಚಿನ ಪೋಸ್ಟರ್, ಶಿವಣ್ಣನ ಪಾತ್ರದ ನಿರೀಕ್ಷೆಯನ್ನು ಮತ್ತಷ್ಟು ಹೆಚ್ಚಿಸಿದೆ. ಈ ಚಿತ್ರದಲ್ಲಿ ಸಂಜನಾ ಆನಂದ್ ನಾಯಕಿಯಾಗಿ ದೀಕ್ಷಿತ್ ಶೆಟ್ಟಿ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ಸಂಗೀತ, ಸಾಯಿ ಕುಮಾರ್, ಜಯರಾಮ್ ಮತ್ತು ಗೋಪಾಲ ಕೃಷ್ಣ ದೇಶಪಾಂಡೆ ಕೂಡ ಈ ಚಿತ್ರದಲ್ಲಿದ್ದಾರೆ.

ಚಿತ್ರದ ತಾಂತ್ರಿಕ ತಂಡದಲ್ಲಿ ಬಿ ಅಜನೀಶ್ ಲೋಕನಾಥ್ ಅವರ ಸಂಗೀತ, ವೈದಿ ಅವರ ಛಾಯಾಗ್ರಹಣ, ಗುಣ ಅವರ ನಿರ್ಮಾಣ ವಿನ್ಯಾಸ ಮತ್ತು ಶಶಾಂಕ್ ನಾರಾಯಣ್ ಅವರ ಸಂಕಲನವಿದೆ.

ಬೇಲ್ ಜೊತೆಗೆ, ಶಿವಣ್ಣ ನಟಿಸಿರುವ ಸರ್ವೈವರ್, ಡ್ಯಾಡ್ ಮತ್ತು 666 ಆಪರೇಷನ್ ಡ್ರೀಮ್ ಥಿಯೇಟರ್ ಚಿತ್ರಗಳು ನಿರ್ಮಾಣಗ ವಿವಿಧ ಹಂತಗಳಲ್ಲಿವೆ. ವಿವಿಧ ಭಾಷೆಗಳಲ್ಲಿ ಅವರ ಮುಂಬರುವ ಯೋಜನೆಗಳಲ್ಲಿ ರಜನಿಕಾಂತ್ ನಟಿಸಿರುವ ಜೈಲರ್ 2 ಸೇರಿವೆ, ಇದರಲ್ಲಿ ಶಿವ ರಾಜ್‌ಕುಮಾರ್ ಪ್ರಮುಖ ಪಾತ್ರ ವಹಿಸಿದ್ದಾರೆ. ಈ ಚಿತ್ರ ಅಕ್ಟೋಬರ್‌ನಲ್ಲಿ ಬಿಡುಗಡೆಯಾಗಲಿದೆ.

ಗೌತಮ್ ಶಿವರಾಮನ್ ಚೊಚ್ಚಲ ನಿರ್ದೇಶನದ ಮುಂದಿನ ತೆಲುಗು ಚಿತ್ರ ಗುಮ್ಮಡಿ ನರಸಯ್ಯ ಕೂಡ ನಿರ್ಮಾಣ ಹಂತದಲ್ಲಿದೆ. ಈ ಚಿತ್ರವು ಭಾವನಾತ್ಮಕ ತಂದೆ-ಮಗನ ಸಂಬಂಧಕ ಕಥೆ ಹೇಳುತ್ತದೆ. ಶಿವರಾಜ್‌ಕುಮಾರ್ ತಂದೆಯಾಗಿ ಮತ್ತು ಅಭಿಶಾನ್ ಜೀವಿಂತ್ ಮಗನಾಗಿ ನಟಿಸಿದ್ದಾರೆ.

ಗಣೇಶ್ ಅವರ ಮುಂಬರುವ ಚಿತ್ರ ಪಿನಾಕಾ, ಇತ್ತೀಚೆಗೆ ಅಕ್ಟೋಬರ್ 2 ರಂದು ಬಿಡುಗಡೆಯಾಗಲಿದೆ ಎಂದು ನಿರ್ಮಾಪಕರು ಘೋಷಿಸಿದ್ದು, ಹಬ್ಬದ ರಜಾ ವಾರಾಂತ್ಯವನ್ನು ಎದುರು ನೋಡುತ್ತಿದೆ. ಇದರ ಹೊರತಾಗಿ, ಶಿವಣ್ಣ ಆರ್. ಚಂದ್ರು ಅವರೊಂದಿಗೆ ಒಂದು ಪ್ರಾಜೆಕ್ಟ್ ಕೂಡ ಹೊಂದಿದ್ದಾರೆ. ಚೇತನ್ ಕುಮಾರ್ ನಿರ್ದೇಶಿಸಲಿರುವ ಮತ್ತೊಂದು ಸಿನಿಮಾದಲ್ಲಿ ಶಿವಣ್ಣ ನಟಿಸುತ್ತಿದ್ದಾರೆ. ಈ ಹಿಂದೆ ಪುನೀತ್ ರಾಜ್‌ಕುಮಾರ್ ಜೇಮ್ಸ್‌ಗೆ ಚಿತ್ರ ನಿರ್ಮಿಸಿದ್ದ ಕಿಶೋರ್ ಪತಿ ಕೊಂಡ ಸಿನಿಮಾ ಪ್ರೊಡ್ಯೂಸ್ ಮಾಡಲಿದ್ದು ಈ ಪ್ರಾಜೆಕ್ಚ್ ಗೆ ಎಂಜೆ ರಾಯ್ ಎಂದು ಹೆಸರಿಸಲಾಗಿದೆ.

Follow KannadaPrabha channel on WhatsApp

  

Subscribe to KannadaPrabha YouTube Channel and watch Videos

   

Download the KannadaPrabha News app to follow the latest news updates

  

Subscribe and Receive exclusive content and updates on your favorite topics

IPL ಕ್ರಿಕೆಟ್‌ಗೆ ನಿವೃತ್ತಿ ಘೋಷಿಸಿದ MS ಧೋನಿ: ಅವರ ಮುಂದಿನ ನಡೆ ಏನು?

Tanishq ದರೋಡೆ ಪ್ರಕರಣಕ್ಕೆ ಬಿಗ್ ಟ್ವಿಸ್ಟ್: ಆರೋಪಿ ಸುಳಿವು ಕೊಟ್ಟ tattoo, ಯೂಟ್ಯೂಬರ್ ಕೊನೆಗೂ ಅಂದರ್, ಪ್ರೇಯಸಿಯೂ ವಶಕ್ಕೆ!

ಮನಿಲಾದಲ್ಲಿ ಕ್ವಾಡ್ ಶೃಂಗಸಭೆ 2026: ಪ್ರಧಾನಿ ಮೋದಿ ಗ್ರೇಟ್ ಲೀಡರ್, 'ವೆರಿ ಟಫ್ ಮ್ಯಾನ್' ಎಂದ ಡೊನಾಲ್ಡ್ ಟ್ರಂಪ್!

ಮಂಗಳೂರು: ಪೈಲಟ್ ಸಮಯಪ್ರಜ್ಞೆಯಿಂದ ತಪ್ಪಿದ ದೊಡ್ಡ ದುರಂತ; ನಳೀನ್ ಕುಮಾರ್ ಕಟೀಲು ಸೇರಿ 236 ಮಂದಿ ಸುರಕ್ಷಿತ!

ವಿಶ್ವಕ್ಕೆ ಶಾಂತಿ-ಸ್ಥಿರತೆ ಅಗತ್ಯ, ಪೈಪೋಟಿ ಬದಿಗಿಟ್ಟು ಸಹಕಾರದ ಹಾದಿಯಲ್ಲಿ ಸಾಗೋಣ: India-ASEAN ಶೃಂಗಸಭೆಯಲ್ಲಿ ಪ್ರಧಾನಿ ಮೋದಿ ಭಾಷಣ