ನಿತೀಶ್ ಭಾರದ್ವಾಜ್ ಮತ್ತು ರಣಬೀರ್ ಕಪೂರ್  
ಸಿನಿಮಾ ಸುದ್ದಿ

ರಾಮ ದುರ್ಬಲ ವ್ಯಕ್ತಿ: ರಾವಣ ಮಾರ್ಕ್ಸ್ ವಾದಿ ಕಮ್ಯುನಿಸ್ಟ್ ನಾಯಕ; ರಾಮಾಯಣ- ಅಜೆಂಡಾ ಸಿನಿಮಾ, 4,000 ಕೋಟಿ ಹಣ ಎಲ್ಲಿಂದ ಬಂತು? ನಿತೀಶ್ ಭಾರದ್ವಾಜ್

'ಮಹಾಭಾರತ'ದಲ್ಲಿ ಶ್ರೀಕೃಷ್ಣನ ಪಾತ್ರ ನಿರ್ವಹಿಸಿ ಜನಪ್ರಿಯರಾದವರು) ಈ ಚಿತ್ರವು "ಒಂದು ನಿರ್ದಿಷ್ಟ ಅಜೆಂಡಾವನ್ನು ಹೊಂದಿರುವ ಸಿನಿಮಾ"ದಂತೆ ಕಾಣುತ್ತಿದೆ ಎಂದು ಹೇಳಿದರು. ಅಲ್ಲದೆ, ಈ ಚಿತ್ರಕ್ಕೆ ಹಣ ಎಲ್ಲಿಂದ ಬಂದಿದೆ ಎಂಬುದರ ಕುರಿತು ಸರ್ಕಾರವು ತನಿಖೆ ನಡೆಸಬೇಕು

ನಿತೇಶ್ ತಿವಾರಿ ಅವರ 'ರಾಮಾಯಣ: ಭಾಗ 1' ಬಾಕ್ಸ್ ಆಫೀಸ್ ದಾಖಲೆಗಳನ್ನು ಮುರಿಯುತ್ತಿದೆ. ಅದೇ ಸಮಯದಲ್ಲಿ, ಮೂಲ ಕಥಾವಸ್ತುವಿನಿಂದ ಈ ಚಿತ್ರವು ಎಷ್ಟು ದೂರ ಸರಿದಿದೆ ಮತ್ತು ಇದಕ್ಕೆ ಹಣ ಎಲ್ಲಿಂದ ಬಂತು ಎಂಬ ಬಗ್ಗೆ ಪ್ರಶ್ನೆಗಳು ಎದ್ದಿವೆ.

ರಣಬೀರ್ ಕಪೂರ್ ರಾಮನಾಗಿ ಮತ್ತು ರಾಕಿಂಗ್ ಸ್ಟಾರ್ ಯಶ್ ರಾವಣನಾಗಿ ನಟಿಸಿರುವ ಈ ಚಿತ್ರಕ್ಕೆ ಒಂದೆಡೆ ಭರ್ಜರಿ ಕಲೆಕ್ಷನ್ ಆಗುತ್ತಿದ್ದರೆ, ಇನ್ನೊಂದೆಡೆ ತೀವ್ರ ವಿರೋಧ ವ್ಯಕ್ತವಾಗುತ್ತಿದೆ. ಬಿ.ಆರ್. ಚೋಪ್ರಾ ಅವರ ಮಹಾಭಾರತ ಧಾರಾವಾಹಿಯಲ್ಲಿ ಶ್ರೀಕೃಷ್ಣನ ಪಾತ್ರ ಮಾಡಿ ಮನೆಮಾತಾಗಿದ್ದ ನಟ ನಿತೀಶ್ ಭಾರದ್ವಾಜ್ ಈಗ ಈ ಸಿನಿಮಾದ ವಿರುದ್ಧ ಗುಡುಗಿದ್ದಾರೆ.

ಖಾಸಗಿ ವಾಹಿನಿಯೊಂದಿಗಿನ ವಿಶೇಷ ಸಂದರ್ಶನದಲ್ಲಿ, ವಿದ್ವಾಂಸ, ನಟ ಮತ್ತು ಮಾಜಿ ಸಂಸದ ನಿತೀಶ್ ಭಾರದ್ವಾಜ್ (ಬಿ.ಆರ್. ಚೋಪ್ರಾ ಅವರ 'ಮಹಾಭಾರತ'ದಲ್ಲಿ ಶ್ರೀಕೃಷ್ಣನ ಪಾತ್ರ ನಿರ್ವಹಿಸಿ ಜನಪ್ರಿಯರಾದವರು) ಈ ಚಿತ್ರವು "ಒಂದು ನಿರ್ದಿಷ್ಟ ಅಜೆಂಡಾವನ್ನು ಹೊಂದಿರುವ ಸಿನಿಮಾ"ದಂತೆ ಕಾಣುತ್ತಿದೆ ಎಂದು ಹೇಳಿದರು. ಅಲ್ಲದೆ, ಈ ಚಿತ್ರಕ್ಕೆ ಹಣ ಎಲ್ಲಿಂದ ಬಂದಿದೆ ಎಂಬುದರ ಕುರಿತು ಸರ್ಕಾರವು ತನಿಖೆ ನಡೆಸಬೇಕು ಎಂದು ಅವರು ಆಗ್ರಹಿಸಿದರು.

ಈ ಚಿತ್ರದ ಕುರಿತು ಭಾರದ್ವಾಜ್ ಅವರ ನಿಲುವು ಸಂಪೂರ್ಣವಾಗಿ ಬದಲಾಗಿದೆ. ಆರಂಭದಲ್ಲಿ ಅವರು 'ರಾಮಾಯಣ'ದ ಟ್ರೈಲರ್ ಅನ್ನು ಶ್ಲಾಘಿಸಿದ್ದರು, ಅಷ್ಟೇ ಅಲ್ಲ, ಈ ಚಿತ್ರವು ಆಸ್ಕರ್ ಪ್ರಶಸ್ತಿಗಳಲ್ಲಿ 'ಅತ್ಯುತ್ತಮ ಅಂತರರಾಷ್ಟ್ರೀಯ ಚಲನಚಿತ್ರ' ಪ್ರಶಸ್ತಿಯನ್ನು ಗೆಲ್ಲಬಹುದು ಎಂದೂ ಭವಿಷ್ಯ ನುಡಿದಿದ್ದರು.

ಆದರೆ, ಪೂರ್ಣಗೊಂಡ ಚಿತ್ರವನ್ನು ನೋಡಿದ ನಂತರ ಅವರ ಅಭಿಪ್ರಾಯ ಬದಲಾಯಿತು. ನಂತರ ನೀಡಿದ ಹೇಳಿಕೆಯಲ್ಲಿ, ಭಾರದ್ವಾಜ್ ತಮ್ಮ ಹಿಂದಿನ ಮೆಚ್ಚುಗೆಯನ್ನು ಸ್ಪಷ್ಟವಾಗಿ ಹಿಂಪಡೆದರು. ರಾವಣನನ್ನು ಅತ್ಯಂತ ಉದಾರವಾದಿ, ಸಾಮಾಜಿಕ ನ್ಯಾಯಪರ ಮತ್ತು ನ್ಯಾಯಯುತ ಆಡಳಿತಗಾರನಾಗಿ ಚಿತ್ರಿಸುವ ಮೂಲಕ, ಈ ಸಿನಿಮಾ ರಾಮಾಯಣದ ನೈತಿಕ ಚೌಕಟ್ಟನ್ನೇ ಬದಲಾಯಿಸುತ್ತದೆ ಮತ್ತು 'ಅವತಾರ'ದ ಮೂಲ ಉದ್ದೇಶವನ್ನೇ ದುರ್ಬಲಗೊಳಿಸುತ್ತದೆ ಎಂದು ಅವರು ಬರೆದಿದ್ದಾರೆ.

"ಶ್ರೀರಾಮನನ್ನು ಭಾವನೆಗಳೇ ಇಲ್ಲದ, ಅತ್ಯಂತ ಸಾಮಾನ್ಯ ಮನುಷ್ಯನ ಮಟ್ಟಕ್ಕೆ ಇಳಿಸಲಾಗಿದೆ," ಎಂದು ಅವರು ಹೇಳಿದರು. "ಅವರು ರಾಮನಲ್ಲ. ಶ್ರೀರಾಮ ಎಂದರೆ 'ಮರ್ಯಾದೆ'ಯ ಪ್ರತೀಕ." ಅಯೋಧ್ಯೆಯನ್ನು ತೊರೆಯುವಾಗ ರಾಮನು ಕಣ್ಣೀರು ಸುರಿಸುವಂತೆ ಚಿತ್ರಿಸಿರುವುದನ್ನು ಅವರು ಆಕ್ಷೇಪಿಸಿದರು. ಇಕ್ಷ್ವಾಕು ವಂಶದ ಗೌರವ ಸಂಹಿತೆಯನ್ನು, "ರಘುಕುಲ ರೀತಿ ಸದಾ ಚಲಿ ಆಯೀ, ಪ್ರಾಣ ಜಾಯೀ ಪರ್ ವಚನ ನ ಜಾಯೀ" (ರಘುಕುಲದ ಸಂಪ್ರದಾಯವಿದು - ಪ್ರಾಣವೇ ಹೋದರೂ ಕೊಟ್ಟ ಮಾತನ್ನು ತಪ್ಪಬಾರದು) ಎಂಬ ಸಾಲುಗಳಲ್ಲಿ ಅಡಕವಾಗಿರುವ ಮೌಲ್ಯವನ್ನು ಈ ಚಲನಚಿತ್ರವು ಪ್ರತಿಬಿಂಬಿಸಲು ವಿಫಲವಾಗಿದೆ ಎಂದು ಅವರು ವಾದಿಸಿದರು.

ರಾವಣನ ಪಾತ್ರದಲ್ಲಿ ಯಶ್ ಅವರ ಅಭಿನಯದ ಬಗ್ಗೆ ತೀವ್ರ ಟೀಕೆ ವ್ಯಕ್ತಪಡಿಸಿದರು. ರಾವಣನಲ್ಲಿದ್ದ ನಕಾರಾತ್ಮಕ ಗುಣಗಳನ್ನು ಎಲ್ಲಿಯೂ ತೋರಿಸಲಾಗಿಲ್ಲ ಎಂದು ಹೇಳಿದ ಅವರು, ಈ ಪಾತ್ರವು "ಮಾರ್ಕ್ಸ್ ವಾದಿ ಕಮ್ಯುನಿಸ್ಟ್ ನಾಯಕನಂತೆ" ಕಾಣುತ್ತದೆ ಎಂದು ಅಭಿಪ್ರಾಯಪಟ್ಟರು. ಅಲ್ಲದೆ, 'ಅರಣ್ಯ ಕಾಂಡ' ಮತ್ತು 'ಯುದ್ಧ ಕಾಂಡ'ದ ಕೆಲವು ಪ್ರಮುಖ ಘಟನೆಗಳನ್ನು ಚಿತ್ರದಲ್ಲಿ ಕೈಬಿಡಲಾಗಿದೆ ಎಂದೂ ಅವರು ಉಲ್ಲೇಖಿಸಿದರು.

ಯಾರೂ ಸಂಪೂರ್ಣವಾಗಿ ಒಳ್ಳೆಯವರೂ ಅಲ್ಲ, ಸಂಪೂರ್ಣವಾಗಿ ಕೆಟ್ಟವರೂ ಅಲ್ಲ" ಎಂದು ಹೇಳಿದ ಅವರು, ರಾವಣನ ಪತನಕ್ಕೆ ಅವನಲ್ಲಿದ್ದ ನಕಾರಾತ್ಮಕ ಗುಣಗಳೇ ಕಾರಣ ಎಂದು ಪ್ರತಿಪಾದಿಸಿದರು.

ಭಾರದ್ವಾಜ್ ಅವರು ನಿರ್ಮಾಪಕ ನಮಿತ್ ಮಲ್ಹೋತ್ರಾ ಮತ್ತು ನಿರ್ದೇಶಕ ನಿತೇಶ್ ತಿವಾರಿ ಅವರಿಗೆ ಎರಡು ಪ್ರಶ್ನೆಗಳನ್ನು ಮುಂದಿಟ್ಟರು. ಮೊದಲನೆಯದು 'ಅವತಾರ' ಪರಿಕಲ್ಪನೆಗೆ ಸಂಬಂಧಿಸಿದ್ದು. ಚಿತ್ರದಲ್ಲಿ ತೋರಿಸಿರುವಂತೆ ರಾವಣನು ಒಬ್ಬ ಜ್ಞಾನಿ ಮತ್ತು ನ್ಯಾಯಪರ ರಾಜನಾಗಿದ್ದರೆ, ವಿಷ್ಣುವು ರಾಮನಾಗಿ ಅವತರಿಸುವ ಅಗತ್ಯವೇನಿತ್ತು?" ಎಂದು ಅವರು ಪ್ರಶ್ನಿಸಿದರು. ಇಂತಹ ಚಿತ್ರಣವು "ಅವತಾರ ಎಂಬ ಪರಿಕಲ್ಪನೆಯನ್ನೇ ನಿರರ್ಥಕಗೊಳಿಸುತ್ತದೆ" ಎಂದು ಅವರು ವಾದಿಸಿದರು.

ಎರಡನೆಯ ಪ್ರಶ್ನೆಯು ಚಿತ್ರದ ಮುಂದಿನ ಭಾಗಕ್ಕೆ ಸಂಬಂಧಿಸಿದ್ದು. "ಪುಸ್ತಕಗಳನ್ನು ಓದದ" ಇಂದಿನ ಯುವ ಪೀಳಿಗೆಯು, ಮುಂದಿನ ಎರಡು ವರ್ಷಗಳ ಕಾಲ ರಾವಣನನ್ನು ಒಬ್ಬ 'ಕೂಲ್ ವ್ಯಕ್ತಿ' ಎಂದು ಭಾವಿಸಿ ಆರಾಧಿಸಬಹುದು ಎಂದು ಭಾರದ್ವಾಜ್ ಹೇಳಿದರು. ಹಾಗಿದ್ದಲ್ಲಿ, ಎರಡನೇ ಭಾಗದಲ್ಲಿ ರಾಮನು ರಾವಣನನ್ನು ಸೋಲಿಸುವುದನ್ನು ಚಿತ್ರತಂಡ ಹೇಗೆ ತೋರಿಸುತ್ತದೆ ಎಂದು ಅವರು ಪ್ರಶ್ನಿಸಿದರು.

"ನೀವು ರಾಮನಾಗಿ ತೋರಿಸಿರುವ ಈ ದುರ್ಬಲ ವ್ಯಕ್ತಿ, ರಾವಣನನ್ನು ಕೊಲ್ಲಲಿದ್ದಾನೆಯೇ?" ಎಂದು ಅವರು ಕೇಳಿದರು. "ನೀವು ಖಳನಾಯಕನನ್ನು ನಾಯಕನನ್ನಾಗಿ ಮತ್ತು ನಾಯಕನನ್ನು ಖಳನಾಯಕನನ್ನಾಗಿ ಮಾಡುತ್ತಿದ್ದೀರಿ. ಚಿತ್ರಕ್ಕೆ ಹಣ ಎಲ್ಲಿಂದ ಬಂತು ಎಂಬ ಬಗ್ಗೆ ಅವರು ಕೇಳಿದ ಪ್ರಶ್ನೆಗಳು. ಲಕ್ಸಂಬರ್ಗ್, ಯುಎಇ ಮತ್ತು ಸಿಂಗಾಪುರದಿಂದ ಈ ಚಲನಚಿತ್ರ ನಿರ್ಮಾಣ ಸಂಸ್ಥೆಗೆ ಹಣ ಹರಿದುಬಂದಿದೆ ಎಂದು ಭಾರದ್ವಾಜ್ ಆರೋಪಿಸಿದರು. ಇಂತಹ "ನಿರ್ದಿಷ್ಟ ಅಜೆಂಡಾ ಹೊಂದಿರುವ ಜನರನ್ನು" ಅವರು "ಹೊಸ ಬ್ರಿಟಿಷರು" ಎಂದು ಕರೆದರು. ಭಾರತೀಯ ನಾಗರಿಕತೆಯನ್ನು ಕೀಳುಮಾಡುವ ಉದ್ದೇಶದಿಂದ ಸಿನಿಮಾವನ್ನು ಬಳಸಿಕೊಳ್ಳಲಾಗುತ್ತಿದೆ ಎಂದು ಅವರು ದೂರಿದರು.

Follow KannadaPrabha channel on WhatsApp

  

Subscribe to KannadaPrabha YouTube Channel and watch Videos

   

Download the KannadaPrabha News app to follow the latest news updates

  

Subscribe and Receive exclusive content and updates on your favorite topics

ಕಾವೇರಿ ಕದನದಲ್ಲಿ ಕರ್ನಾಟಕಕ್ಕೆ ಬಿಗ್ ರಿಲೀಫ್! 11 ಟಿಎಂಸಿ ನೀರಿಗಾಗಿ ತಮಿಳುನಾಡು ಸಲ್ಲಿಸಿದ್ದ ಎರಡೂ ಅರ್ಜಿ ಸುಪ್ರೀಂನಲ್ಲಿ ವಜಾ

'ಅಕ್ವಾನ್ ಚಂಡಮಾರುತ': ಒಡಿಶಾದ ಗೋಪಾಲಪುರ ಸಮೀಪ ಪ್ರವೇಶ ಪ್ರಕ್ರಿಯೆ ಆರಂಭ; 3 ಲಕ್ಷಕ್ಕೂ ಅಧಿಕ ಜನರ ಸ್ಥಳಾಂತರ

35 ವರ್ಷದ ಬಳಿಕ ' ಭಯೋತ್ಪಾದಕರಿಂದ ಕಾಶ್ಮೀರ ಮುಕ್ತ': ಲತೀಫ್ ಭಟ್ ಹತ್ಯೆ ನಂತರ ಅಮಿತ್ ಶಾ ಘೋಷಣೆ

21,900 ಕೋಟಿ ರೂ.ಅಭಿವೃದ್ಧಿ ಯೋಜನೆಗಳಿಗೆ ಸಂಪುಟ ಸಮ್ಮತಿ; ಬೆಂಗಳೂರಿನ 88 ರಸ್ತೆಗಳಿಗೆ ವೈಟ್ ಟಾಪಿಂಗ್ ಭಾಗ್ಯ, ಸಾಲಗಾರರಿಗೆ ಬಿಗ್ ರಿಲೀಫ್..!

ಉಗ್ರರಿಗೆ ಕುಮ್ಮಕ್ಕು ನಿಲ್ಲಿಸದೆ ಹೊರತು ನಿಮ್ಮ ಜೊತೆ ಸಂಧಾನ ಅಸಾಧ್ಯ: ಪಾಕ್‌ ಜೊತೆಗಿನ ಮಾತುಕತೆಗೆ ಲಕ್ಷ್ಮಣರೇಖೆ ಎಳೆದ ರಾಹುಲ್ ಗಾಂಧಿ