ಬೆಂಗಳೂರು: ಬಿಗ್ ಬಾಸ್ ಕನ್ನಡ ಸೀಸನ್ 13ರ ಮನೆಯಲ್ಲಿ ದಿನದಿಂದ ದಿನಕ್ಕೆ ಜಗಳ, ಆಟ ಮತ್ತು ಮನರಂಜನೆಯ ಕಾವು ಏರುತ್ತಲೇ ಇದೆ. ಇದೀಗ ಮನೆಯಲ್ಲಿ ನಡೆದಿರುವ 'ಕಳ್ಳರು ಮತ್ತು ರಕ್ಷಕರು' ಟಾಸ್ಕ್ ಭಾರಿ ಕುತೂಹಲಕ್ಕೆ ಕಾರಣವಾಗಿದ್ದು, ಸೆಕ್ಯುರಿಟಿ ಕಣ್ಣು ತಪ್ಪಿಸಿ ಕಳ್ಳರು ತಮ್ಮ ಕೈಚಳಕ ತೋರಿಸಿದ್ದಾರೆ.
ಬಿಗ್ ಬಾಸ್ ನೀಡಿರುವ ವಿಶೇಷ ಟಾಸ್ಕ್‌ನಲ್ಲಿ ಸ್ಪರ್ಧಿಗಳನ್ನು ಲೂಟಿಕೋರರು ಮತ್ತು ಸೆಕ್ಯುರಿಟಿ (ರಕ್ಷಕರು) ತಂಡಗಳಾಗಿ ವಿಂಗಡಿಸಲಾಗಿತ್ತು.
'ಡೈಮಂಡ್' (ವಜ್ರ), ಕಿರೀಟ, ಉತ್ತಮ ಪದಕ ರಕ್ಷಿಸುವ ಜವಾಬ್ದಾರಿ ಸೆಕ್ಯುರಿಟಿ ತಂಡದ ಮೇಲಿತ್ತು. ಆದರೆ, ಕಳ್ಳರು ತಮ್ಮ ಚಾಣಾಕ್ಷತನದಿಂದ ರಕ್ಷಕರ ತಂಡದಲ್ಲಿ ಅನುಮಾನ ಮೂಡುವಂತೆ ಮಾಡಿದ್ದರು. ನಂತರ ರಕ್ಷಕರ ತಂಡದ ಸ್ಪರ್ಧಿಗಳು ತಮ್ಮ ತಮ್ಮಲ್ಲೇ ಜಗಳವಾಡಲು ಶುರು ಮಾಡಿದ್ದರು.
ರಕ್ಷಕರ ನಡುವಿನ ಈ ಭಿನ್ನಾಭಿಪ್ರಾಯ ಮತ್ತು ಗೊಂದಲದ ಪೂರ್ಣ ಲಾಭ ಪಡೆದ ಲೂಟಿಕೋರರ ತಂಡದವರು, ಅತ್ಯಂತ ಚಾಣಾಕ್ಷತನದಿಂದ ಸೆಕ್ಯುರಿಟಿ ಕಣ್ಣು ತಪ್ಪಿಸಿ ಡೈಮಂಡ್ ಹಾಗೂ ಕಿರೀಟ ಕಳ್ಳತನ ಮಾಡಿದ್ದು, ಅಂತಿಮವಾಗಿ ಟಾಸ್ಕ್ ಗೆದ್ದಿದ್ದಾರೆ.