ಮೊಹಾಲಿ: ಇಂಡಿಯನ್ ಪ್ರಿಮಿಯರ್ ಲೀಗ್(ಐಪಿಎಲ್) 9ನೇ ಆವೃತ್ತಿಯಲ್ಲಿ ಸತತ ಸೋಲುಗಳಿಂದ ಕಂಗೆಟ್ಟಿದ್ದ ಮುಂಬೈ ಇಂಡಿಯನ್ಸ್ ತಂಡ ಕಿಂಗ್ಸ್ ಇಲೆವೆನ್ ಪಂಜಾಬ್ ವಿರುದ್ಧ 25 ರನ್ ಗಳಿಂದ ಜಯ ಗಳಿಸಿದೆ.

ಪಂಜಾಬ್ ಕ್ರಿಕೆಟ್ ಸಂಸ್ಥೆ ಕ್ರೀಡಾಂಗಣದಲ್ಲಿ ಟಾಸ್ ಸೋತು ಮೊದಲು ಬ್ಯಾಟ್ ಮಾಡಿದ ಮುಂಬೈ ಇಂಡಿಯನ್ಸ್ 6 ವಿಕೆಟ್ ಗೆ ಭರ್ಜರಿ 189 ರನ್ ಕಲೆಹಾಕಿತು. 190 ರನ್ ಗಳ ಬೃಹತ್ ಮೊತ್ತವನ್ನು ಬೆನ್ನಟ್ಟಿದ್ದ ಬಾಲಿವುಡ್ ನಟಿ ಪ್ರೀತಿ ಝಿಂಟಾ ಮಾಲೀಕತ್ವದ ಕಿಂಗ್ಸ್ ಇಲೆವೆನ್ ತಂಡ 25 ರನ್ ಗಳಿಂದ ಸೋಲು ಅನುಭವಿಸಿತು.

ಕಿಂಗ್ಸ್ ಇಲೆವೆನ್ ಪಂಜಾಬ್ ಪರ ಮುರುಳಿ ವಿಜಯ್ 19, ಮನನ್ ವೊಹ್ರಾ 7, ಶಾನ್ ಮಾರ್ಷ್ 45, ಗ್ಲೆನ್ ಮ್ಯಾಕ್ಸ್ ವೆಲ್ 56, ನಿಖಿಲ್ ನಾಯ್ಕ್ 1, ಅಕ್ಷರ್ ಪಟೇಲ್ 0, ಮಿಚೆಲ್ ಚಾನ್ಸನ್ 1, ಡೇವಿಡ್ ಮಿಲ್ಲರ್ ಅಜೇಯ 30 ಹಾಗೂ ಮೋಹಿತ್ ಶರ್ಮಾ 0 ರನ್ ಗಳಿಸಿದ್ದಾರೆ.

ಮುಂಬೈ ಪರ ಜಸ್ ಪ್ರೀತ್ ಬುಮ್ರಾ 3, ಟಿಮ್ ಸೌಥಿ, ಮಿಚೆಲ್ ಮೆಕ್ಲೀನಘನ್ ತಲಾ 2 ವಿಕೆಟ್ ಪಡೆದಿದ್ದಾರೆ.

ಮುಂಬೈ ಇಂಡಿಯನ್ಸ್ ಪರ ರೋಹಿತ್ ಶರ್ಮಾ 0, ಪಾರ್ಥಿವ್ ಪಟೇಲ್ 81, ಅಂಬಟ್ಟಿ ರಾಯುಡು 65, ಜೋಸ್ ಬಟ್ಲರ್ 24, ಪೊಲ್ಲಾರ್ಡ್ 10, ಹಾರ್ದಿಕ್ ಪಟೇಲ್ 4 ಹಾಗೂ ಕೃನಾಲ್ ಪಾಂಡ್ಯ ಅಜೇಯ 0 ರನ್ ಗಳಿಸಿದ್ದಾರೆ.

ಕಿಂಗ್ಸ್ ಇಲೆವೆನ್ ಪಂಜಾಬ್ ಪರ ಮೋಹಿತ್ ಶರ್ಮಾ 3, ಸಂದೀಪ್ ಶರ್ಮಾ, ಮಿಚೆಲ್ ಜಾನ್ಸನ್ ಅಕ್ಷರ್ ಪಟೇಲ್ ತಲಾ 1 ವಿಕೆಟ್ ಪಡೆದಿದ್ದಾರೆ.