ಐಪಿಎಲ್ 9ನೇ ಆವೃತ್ತಿಯ ಪ್ಲೇ ಆಫ್ ಗೇರಲು ತಂಡಗಳ ನಡುವೆ ಜಿದ್ದಾಜಿದ್ದಿನ ಹೋರಾಟ ಶುರುವಾಗಿದೆ. ಕೋಲ್ಕತ್ತಾ ನೈಟ್ ರೈಡರ್ಸ್ ಮತ್ತು ಗುಜರಾತ್ ನಡುವಿನ ಪಂದ್ಯದಲ್ಲಿ ಕೋಲ್ಕತ್ತಾ ತಂಡವನ್ನು ಮಣಿಸಿ ಗುಜರಾತ್ ಪ್ಲೇ ಆಫ್  ಗೆ ಎಂಟ್ರಿ ನೀಡಿದೆ.

ಕಾನ್ಪುರ್ ಗ್ರೀನ್ ಪಾರ್ಕ್ ನಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಸೋತು ಬ್ಯಾಟಿಂಗ್ ಮಾಡಿದ ಕೋಲ್ಕತ್ತಾ ತಂಡ ನಿಗದಿತ ಓವರ್ ನಲ್ಲಿ 8 ವಿಕೆಟ್ ನಷ್ಟಕ್ಕೆ 124 ರನ್ ಗಳಿಸಿತು. ಸಾಧಾರಣ ಮೊತ್ತ ಬೆನ್ನಟ್ಟಿದ ಗುಜರಾತ್ ಗೆ ನಾಯಕ ಸುರೇಶ್ ರೈನಾರ ಅಬ್ಬರದ ಬ್ಯಾಟಿಂಗ್ ನಿಂದಾಗಿ 13.3 ಓವರ್ ಗಳಲ್ಲಿ 4 ವಿಕೆಟ್ ನಷ್ಟಕ್ಕೆ 125 ರನ್ ಗಳಿಸಿ ಜಯದ ನಗೆ ಬೀರಿತು.

ಗುಜರಾತ್ ಪರ ಸ್ಮಿತ್ 0, ಬ್ರೆಂಡಮ್ ಮೆಕ್ಕಲಂ 6, ಸುರೇಶ್ ರೈನಾ ಅಜೇಯ 53, ಕಾರ್ತಿಕ್ 12, ಫಿಂಚ್ 26, ಜಡೇಜಾ ಅಜೇಯ 11 ರನ್ ಗಳಿಸಿದ್ದಾರೆ.

ಕೋಲ್ಕತ್ತಾ ಪರ ರಾಜ್ಪೂತ್, ನರೈನ್ ಹಾಗೂ ಮಾರ್ಕೆಲ್ ತಲಾ 1 ವಿಕೆಟ್ ಪಡೆದಿದ್ದಾರೆ.

ಕೋಲ್ಕತ್ತಾ ಪರ ರಾಬಿನ್ ಉತ್ತಪ್ಪ 25, ಗೌತಮ್ ಗಂಭೀರ್ 8, ಮನೀಷ್ ಪಾಂಡ್ಯೆ 1, ಚಾವ್ಲಾ 11, ಯುಸೂಫ್ ಪಠಾಣ್ 36, ಶಕೀಬ್ ಅಲ್ ಹಸನ್ 3, ಯಾದವ್ 17, ಹೊಲ್ಡೆರ್ 13 ರನ್ ಗಳಿಸಿದ್ದಾರೆ.

ಗುಜರಾತ್ ಪರ ಸ್ಮಿತ್ 4, ಕುಲಕರ್ಣಿ, ಬ್ರಾವೋ ತಲಾ 1 ವಿಕೆಟ್ ಪಡೆದಿದ್ದಾರೆ.