ನವದೆಹಲಿ: ಟೀಂ ಇಂಡಿಯಾದ ಸ್ಫೋಟಕ ಬ್ಯಾಟ್ಸ್ ಮನ್ ವಿರಾಟ್ ಕೊಹ್ಲಿ ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ವಿಶ್ವದಾಖಲೆಯನ್ನು ಸಮಗಟ್ಟಿದ್ದಾರೆ.

ನ್ಯೂಜಿಲೆಂಡ್ ವಿರುದ್ಧ ಮೊಹಾಲಿಯಲ್ಲಿ ನಡೆದ ಮೂರನೇ ಏಕದಿನ ಪಂದ್ಯದಲ್ಲಿ ಶತಕ ಬಾರಿಸುವ ಮೂಲಕ ತಂಡದ ಗೆಲುವಿನಲ್ಲಿ ಕೊಹ್ಲಿ ಪ್ರಮುಖ ಪಾತ್ರವಹಿಸಿದರು. ಇದೇ ರೀತಿ ಚೇಸಿಂಗ್ ನಲ್ಲಿ 14 ಶತಕ ಸಿಡಿಸುವ ಮೂಲಕ ತಂಡದ ಗೆಲುವಿಗೆ ಕಾರಣರಾಗಿದ್ದಾರೆ.

ಇದಕ್ಕೂ ಮುನ್ನ ಈ ಸಾಧನೆ ಸಚಿನ್ ತೆಂಡೂಲ್ಕರ್ ಅವರ ಹೆಸರಿನಲ್ಲಿತ್ತು. ಸಚಿನ್ ಒಟ್ಟು 124 ಇನ್ನಿಂಗ್ಸ್ ನಲ್ಲಿ 14 ಶತಕ ಸಿಡಿಸಿದ ಟೀಂ ಇಂಡಿಯಾ ಗೆಲುವಿಗೆ ಕಾರಣರಾಗಿದ್ದ ಸಾಧನೆ ಸಚಿನ್ ಹೆಸರಿನಲ್ಲಿತ್ತು. ಇದೀಗ ಈ ಸಾಧನೆಯನ್ನು ವಿರಾಟ್ ಕೊಹ್ಲಿ ಕೇವಲ 59 ಇನ್ನಿಂಗ್ಸ್ ನಲ್ಲಿ ಸಮಗಟ್ಟಿದ್ದು, ಮುಂದಿನ ಪಂದ್ಯಗಳಲ್ಲಿ ಈ ಸಾಧನೆಯನ್ನು ತಮ್ಮ ಹೆಸರಿಗೆ ಬರೆದುಕೊಳ್ಳಲಿದ್ದಾರೆ.

ಇನ್ನು ವಿರಾಟ್ ಕೊಹ್ಲಿ, ಸಚಿನ್ ನಂತರ ಈ ಚೇಸಿಂಗ್ ನಲ್ಲಿ ಸೆಂಚೂರಿ ಸಿಡಿಸಿ ತಂಡವನ್ನು ಗೆಲುವಿನ ದಡ ಮುಟ್ಟಿಸಿದ ಪಟ್ಟಿಯಲ್ಲಿ 59 ಇನ್ನಿಂಗ್ಸ್ 9 ಶತಕ, ತಿಲಕರತ್ನೆ ದಿಲ್ಶಾನ್ 60 ಇನ್ನಿಂಗ್ಸ್ 9, ಸನತ್ ಜಯಸೂರ್ಯ 103 ಇನ್ನಿಂಗ್ಸ್ 9 ಶತಕ ಸಿಡಿಸಿದ್ದಾರೆ.