ನವದೆಹಲಿ: ಭಾರತ ಕ್ರಿಕೆಟ್ ತಂಡದ ಟೆಸ್ಟ್ ಕ್ಯಾಪ್ಟನ್ ವಿರಾಟ್ ಕೊಹ್ಲಿ ನಮ್ಮೆಲ್ಲರಿಗೂ ಸ್ಫೂರ್ತಿ ಎಂದು ಮತ್ತೊಬ್ಬ ಕ್ರಿಕೆಟಿಗ ಕೆಎಲ್ ರಾಹುಲ್ ಅಭಿಪ್ರಾಯ ಪಟ್ಟಿದ್ದಾರೆ.
ನಾವು ಅದೃಷ್ಟವಂತರು, ನಮಗೆ ಸ್ಫೂರ್ತಿ ನೀಡುವ ಆಟಗಾರರನ್ನು ಬಹಳ ಹಿಂದಕ್ಕೆ ಹೋಗಿ ಹುಡುಕುವ ಅಗತ್ಯವಿಲ್ಲ, ಡ್ರೆಸ್ಸಿಂಗ್ ರೂಂ ನಲ್ಲಿ ನಮ್ಮ ಪಕ್ಕದಲ್ಲೇ ಕೂತು ನಮಗೆ ಚೈತನ್ಯ ತುಂಬುತ್ತಾರೆ ಎಂದು ರಾಹುಲ್ ಹೊಗಳಿದ್ದಾರೆ.
ವಿರಾಟ್ ಕೊಹ್ಲಿಗಿರುವ ಕ್ರಿಕೆಟ್ ಬಗ್ಗೆ ಕಾಳಜಿ, ವೃತ್ತಿ ಧರ್ಮ, ಶಿಸ್ತು, ದೇಹದ ಫಿಟ್ ನೆಸ್, ಡಯಟ್ ಎಲ್ಲವೂ ನಮಗೆ ಪ್ರೇರಣೆಯಾಗಿದೆ ಎಂದು ರಾಹುಲ್ ಹೇಳಿದ್ದಾರೆ.
ಪ್ರಸಕ್ತ ರಾಷ್ಟೀಯ್ ಕ್ರಿಕೆಟ್ ತಂಡದಲ್ಲಿ ಶಿಸ್ತು ಪ್ರಮುಖ ಅಸ್ತ್ರವಾಗಿದೆ. ನೀವು ಡ್ರೆಸ್ಸಿಂಗ್ ರೂಮ ನೊಳಗೆ ಬಂದರೆ ನಿಮಗೆ ತಿಳಿಯುತ್ತದೆ ಎಲ್ಲಾ ಆಟಗಾರರು ಎಷ್ಟರ ಮಟ್ಟಿನ ಶಿಸ್ತು ಪಾಲಿಸುತ್ತಾರೆ ಎಂಬುದು ನಿಮಗೆ ಗೊತ್ತಾಗುತ್ತದೆ ಎಂದು ಹೇಳಿದ್ದಾರೆ.
ನಾನು ಟೆಸ್ಟ್ ಕ್ರಿಕೆಟ್ ಗೆ ಕಾಲಿಟ್ಟಾಗ ನಾನು ಆಟಗಳಲ್ಲಿ ಅಷ್ಟರ ಮಟ್ಟಿಗೆ ಉತ್ತಮ ಪ್ರದರ್ಶನ ತೋರುತ್ತಿರಲಿಲ್ಲ, ಆಗ ನನ್ನ ಸಹಾಯಕ್ಕೆ ಬಂದಿದ್ದು ವಿರಾಟ್ ಕೊಹ್ಲಿ. ಪ್ರತಿ ಹಂತದಲ್ಲೂ ನನ್ನ ತಿದ್ದಿದರು, ನನ್ನಲ್ಲಿ ಆತ್ಮ ವಿಶ್ವಾಸ ಹೆಚ್ಚಿಸಿದರು ಎಂದು ರಾಹುಲ್ ತಿಳಿಸಿದ್ದಾರೆ.