ಕೋಲ್ಕತ್ತಾ: ಐಪಿಎಲ್ 10ನೇ ಆವೃತ್ತಿಯ 14ನೇ ಪಂದ್ಯ ಕೋಲ್ಕತ್ತಾದ ಈಡನ್ ಗಾರ್ಡನ್ ಮೈದಾನದಲ್ಲಿ ನಡೆದಿದ್ದು ಸನ್ ರೈಸರ್ಸ್ ಹೈದರಾಬಾದ್ ತಂಡದ ಬ್ಯಾಟ್ಸ್ ಮನ್ ಶಿಖರ್ ಧವನ್ ಭರ್ಜರಿ ಹೊಡೆತಕ್ಕೆ ಲ್ಯಾಪ್ ಟಾಪ್ ಪುಡಿಪುಡಿಯಾಗಿದೆ. 

ಕೋಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧದ ಪಂದ್ಯದಲ್ಲಿ ಶಿಖರ್ ಧವನ್ ಸ್ಪಿನ್ನರ್ ಕುಲದೀಪ್ ಯಾದವ್ ಓವರ್ ನಲ್ಲಿ ಧವನ್ ಬೌಂಡರಿ ಬಾರಿಸಿದ ಚೆಂಡು ನೇರವಾಗಿ ಹೈದರಾಬಾದ್ ತಂಡದ ಸಲಹೆಗಾರ ವಿವಿಎಸ್ ಲಕ್ಷ್ಮಣ್ ವೀಕ್ಷಿಸುತ್ತಿದ್ದ ಲ್ಯಾಪ್ ಟಾಪ್ ಗೆ ಬಡಿದಿದ್ದು ಲ್ಯಾಪ್ ಟಾಪ್ ಪುಡಿಪುಡಿಯಾಗಿದೆ. 

ಈ ಪಂದ್ಯದಲ್ಲಿ ಸನ್ ರೈಸರ್ಸ್ ಹೈದರಾಬಾದ್ ತಂಡವನ್ನು ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡ 17 ರನ್ ಗಳಿಂದ ಮಣಿಸಿತು.