ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿ(ಐಸಿಸಿ) ವಾರ್ಷಿಕ ಏಕದಿನ ರ್ಯಾಂಕಿಂಗ್ ಪಟ್ಟಿಯನ್ನು ಬಿಡುಗಡೆ ಮಾಡಿದ್ದು ಉತ್ತಮ ಪ್ರದರ್ಶನ ನೀಡುತ್ತಿರುವ ದಕ್ಷಿಣ ಆಫ್ರಿಕಾ ಮೊದಲ ಸ್ಥಾನವನ್ನು ಅಲಂಕರಿಸಿದ್ದರೆ. ನ್ಯೂಜಿಲೆಂಡ್ ತಂಡವನ್ನು ಹಿಂದಿಕ್ಕಿ ಭಾರತ ಮೂರನೇ ಸ್ಥಾನಕ್ಕೇರಿದೆ. 

ಏಕದಿನ ರ್ಯಾಂಕಿಂಗ್ ಪಟ್ಟಿಯಲ್ಲಿ ದಕ್ಷಿಣ ಆಫ್ರಿಕಾ(123 ಅಂಕ), ಆಸ್ಟ್ರೇಲಿಯಾ(118 ಅಂಕ), ಭಾರತ(117 ಅಂಕ), ನ್ಯೂಜಿಲೆಂಡ್(115 ಅಂಕ), ಇಂಗ್ಲೆಂಡ್(109 ಅಂಕ), ಶ್ರೀಲಂಕಾ(93 ಅಂಕ), ಬಾಂಗ್ಲಾದೇಶ(91 ಅಂಕ), ಪಾಕಿಸ್ತಾನ(88 ಅಂಕ), ವೆಸ್ಟ್ ಇಂಡೀಸ್(79 ಅಂಕ), ಆಫ್ಗಾನಿಸ್ತಾನ್(52 ಅಂಕ), ಜಿಂಬಾಬ್ವೆ(46 ಅಂಕ), ಐರ್ಲ್ಯಾಂಡ್(43 ಅಂಕ) ಪಡೆದಿದೆ. 

ಅಂಕಪಟ್ಟಿಯಲ್ಲಿ ಕ್ರಮವಾಗಿ 8 ಸ್ಥಾನಗಳನ್ನು ಪಡೆದಿರುವ ತಂಡಗಳು 2019ರ ಏಕದಿನ ವಿಶ್ವಕಪ್ ಗೆ ನೇರವಾಗಿ ಎಂಟ್ರಿ ಪಡೆಯಲಿವೆ.