ನವದೆಹಲಿ: ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಅವರ ಫಿಟ್ನೆಸ್ ಗೆ ಸಂಬಂಧಿಸಿದಂತೆ ಮಾಜಿ ಕ್ರಿಕೆಟಿಗ ಮತ್ತು ಭಾರತಕ್ಕೆ ಮೊಟ್ಟ ಮೊದಲ ವಿಶ್ವಕಪ್ ಗೆದ್ದುಕೊಟ್ಟ ನಾಯಕ ಕಪಿಲ್ ದೇವ್ ಅವರು ಎಚ್ಚರಿಕೆ ನೀಡಿದ್ದಾರೆ.
ಕಪಿಲ್ ದೇವ್ ವಿರಾಟ್ ಕೊಹ್ಲಿ ಅವರ ಫಿಟ್ನೆಸ್ ಗೆ ಸಂಬಂಧಿಸಿದಂತೆ ಎಚ್ಚರಿಕೆ ನೀಡಿದ್ದು, ಕೊಹ್ಲಿ ಅವರ ಓವರ್ ಫಿಟ್ನೆಸ್ ಅವರ ಧೀರ್ಘಕಾಲಿಕ ಗಾಯಗಳಿಗೆ ಕಾರಣವಾಗಬಹುದು ಎಂದು ಹೇಳಿದ್ದಾರೆ."ಕ್ರಿಕೆಟ್ ಒಂದೇ ಅಲ್ಲ..ಕ್ರೀಡಾಕ್ಷೇತ್ರದ ಯಾವುದೇ ಕ್ರೀಡೆಯಾಗಿರಲಿ ಉತ್ತಮ ಪ್ರದರ್ಶನಕ್ಕೆ ಫಿಟ್ನೆಸ್ ಮುಖ್ಯ.. ಆದರೆ ಇತ್ತೀಚಿನ ದಿನಗಳಲ್ಲಿ ತಾವು ಗಮನಿಸಿದಂತೆ ಭಾರತ ತಂಡದ ನಾಯಕ ವಿರಾಟ್ ಕೊಹ್ಲಿ ಅವರಷ್ಟು ಫಿಟ್ನೆಸ್ ಬಗ್ಗೆ ಚಿಂತಿಸುವವರನ್ನು ನಾನು ನೋಡಿಲ್ಲ. ನನ್ನ ಅಭಿಪ್ರಾಯದಂತೆ ಕೊಹ್ಲಿ ಓವರ್ ಫಿಟ್ನೆಸ್ ಹೊಂದಿದ್ದು, ಮುಂದೊಂದು ದಿನ ಅವರ ಈ ಓವರ್ ಫಿಟ್ನೆಸ್ ನಿಂದಲೇ ಅವರು ಗಾಯಾಳುವಾಗುವ ಸಾಧ್ಯತೆ ಇದೆ ಎಂದು ಅವರು ಎಚ್ಚರಿಕೆ ನೀಡಿದ್ದಾರೆ.
"ಫಿಟ್ನೆಸ್ ನಿಂದಾಗಿ ಮಾಂಸಖಂಡಗಳು ಹೇಗೆ ಬಲವರ್ಧನೆಯಾಗುತ್ತದೆಯೋ. ಹಾಗೇಯೆ ಓವರ್ ಫಿಟ್ನೆಸ್ ನಿಂದಾಗಿ ಅದೇ ಮಾಂಸಖಂಡಗಳು ಬೇಗ ಶಕ್ತಿ ಕಳೆದುಕೊಳ್ಳುತ್ತದೆ. ಬಹುಶಃ ಸತತ ಸರಣಿಗಳಿಂದಾಗಿ ಕೊಹ್ಲಿ ಸತತ ಪರಿಶ್ರಮ ಪಡುತ್ತಿರಬಹುದು. ಆದರೆ ಅತಿಯಾದ ಪರಿಶ್ರಮ ಕೂಡ ಅವರ ಕ್ರಿಕೆಟ್ ಮೇಲೆ ದುಷ್ಪರಿಣಾಮ ಬೀರಬಹುದು. ಆಗ ಆಟಗಾರ ಗಾಯಕ್ಕೆ ತುತ್ತಾಗುತ್ತಾನೆ ಎಂದು ಕಪಿಲ್ ಎಚ್ಚರಿಸಿದ್ದಾರೆ.=