ಬೆಂಗಳೂರು: ಟೆಸ್ಟ್ ಕ್ರಿಕೆಟ್ ನಲ್ಲಿ ತ್ರಿಶತಕ ಸಿಡಿಸಿದ ಭಾರತದ ದ್ವಿತೀಯ ಆಟಗಾರ ಎಂಬ ಖ್ಯಾತಿಗೆ ಭಾಜನರಾಗಿರುವ ಕರುಣ್ ನಾಯರ್ ಹೊಸ ಕಾರನ್ನು ಖರೀದಿಸಿದ್ದು, ಅದರ ನಂಬರ್ ಪ್ಲೆಟ್ ನಂಬರ್ ನಿಂದಾಗಿ ಸುದ್ಧಿಯಲ್ಲಿದ್ದಾರೆ.
ಕರುಣ್ ನಾಯರ್ ಕೆಂಪು ಬಣ್ಣದ ನೂತನ ಫೋರ್ಡ್ ಮುಸ್ಟಾಂಗ್ ಕಾರೊಂದನ್ನು ಖರೀದಿಸಿದ್ದಾರೆ. ಅದರ ನಂಬರ್ ಪ್ಲೇಟ್ ಇದೀಗ ಸಾಕಷ್ಟು ವಿಶೇಷತೆಯಿಂದ ಕೂಡಿದೆ. ತಮ್ಮ ಕಾರಿಗೆ ಕೆಎ 03 ಎನ್ಎ 303 ಎನ್ನುವ ನಂಬರ್ ಆಯ್ಕೆ ಮಾಡಿಕೊಂಡಿದ್ದು ಅವರು ಚೆನ್ನೈ ಟೆಸ್ಟ್ ನಲ್ಲಿ ಸಿಡಿಸಿದ ತ್ರಿಶತಕದ ಸಾಧನೆಯನ್ನು ಬಿಂಬಿಸಿದಂತಾಗಿದೆ. ಜತೆಗೆ ಕೆಎ ಎಂಬುದು ಕರ್ನಾಟಕ ಎನ್ನುವುದರೊಂದಿಗೆ ಇಂಗ್ಲೀಷ್ ಅಕ್ಷರದಲ್ಲಿ ಕರುಣ್ ಹೆಸರಿನ ಆರಂಭಿಕ 2 ಅಕ್ಷರಗಳಾಗಿವೆ.
ಇನ್ನು ಎನ್ಎ ಎನ್ನುವುದು ನಾಯರ್ ಹೆಸರಿನ ಆರಂಭಿಕ 2 ಅಕ್ಷರಗಳು. ವೃತ್ತಿಜೀವನದ 3ನೇ ಟೆಸ್ಟ್ ನಲ್ಲಿ ಈ ಸಾಧನೆ ಮಾಡಿದ್ದರಿಂದ 03 ಅನ್ನು ಆಯ್ಕೆ ಮಾಡಿಕೊಂಡಿದ್ದಾರೆ.