ಬೆಂಗಳೂರು: ಇಂಡಿಯನ್ ಪ್ರಿಮಿಯರ್ ಲೀಗ್(ಐಪಿಎಲ್) 10ನೇ ಆವೃತ್ತಿಯ ಹರಾಜು ಪ್ರಕ್ರಿಯೆ ಇಂದು ನಡೆದಿದ್ದು ಇದೇ ಮೊದಲ ಬಾರಿಗೆ ಐಪಿಎಲ್ ನಲ್ಲಿ ಆಫ್ಘಾನಿಸ್ತಾನದ ಆಟಗಾರನೊಬ್ಬ ಆಡುವ ಅವಕಾಶ ಪಡೆದಿದ್ದಾರೆ. 

ಬೆಂಗಳೂರಿನ ರಿಟ್ಜ್-ಕಾರ್ಲ್ಟೊನ್ ಹೊಟೇಲ್ ನಲ್ಲಿ ನಡೆದ ಹರಾಜು ಪ್ರಕ್ರಿಯೆಯಲ್ಲಿ ಆಫ್ಘಾನಿಸ್ತಾನದ ಆಲ್ರೌಂಡರ್ ಆಟಗಾರ ಮೊಹಮ್ಮದ್ ನಬಿಯನ್ನು 30 ಲಕ್ಷ ರುಪಾಯಿ ಸನ್‌ರೈಸರ್ಸ್ ಹೈದರಾಬಾದ್ ಖರೀದಿಸಿದೆ. 

ಬೆನ್ ಸ್ಟೋಕ್ಸ್ ಬಲಿಕ ಇಂಗ್ಲೆಂಡ್ ತಂಡದ ಮತ್ತೋರ್ವ ವೇಗಿ ಟಿ ಮೈಲ್ಸ್ 12 ಕೋಟಿ ರು.ಗೆ ರಾಯಲ್ ಚಾಲೆಂಜರ್ಸ್ ತಂಡದ ಪಾಲಾಗಿದ್ದಾರೆ. ದ.ಆಫ್ರಿಕಾ ವೇಗಿ ರಬಾಡಾ ಅವರನ್ನು 5 ಕೋಟಿ ರು. ನೀಡಿ ದೆಹಲಿ ತಂಡ ಖರೀದಿಸಿದ್ದು, ಪ್ಯಾಟ್ ಕ್ಯುಮಿನ್ಸ್ ಅವರನ್ನು 4.5 ಕೋಟಿ ರು ನೀಡಿ ಇದೇ ದೆಹಲಿ ತಂಡವೇ ಖರೀದಿ ಮಾಡಿದೆ. ಭಾರತೀಯ ಕ್ರಿಕೆಟ್ ತಂಡದ  ಉದಯೋನ್ಮುಖ ಆಟಗಾರ ಗೌತಮ್ ಕೆ ಅವರನ್ನು ದೆಹಲಿ ತಂಡ 2 ಕೋಟಿ ರು. ನೀಡಿ ಖರೀದಿಸಿದೆ.