ಟೀಂ ಇಂಡಿಯಾ ಟೆಸ್ಟ್ ತಂಡದ ವಿಕೆಟ್ ಕೀಪರ್ ಪಾರ್ಥಿವ್ ಪಟೇಲ್ ನಾಯಕತ್ವದಲ್ಲಿ ಗುಜರಾತ್ ತಂಡ ಚೊಚ್ಚಲ ರಣಜಿ ಟ್ರೋಫಿ ಗೆದ್ದಿದ್ದು ಇತಿಹಾಸ. ಇದೀಗ ಮತ್ತೊಂದು ವಿಶೇಷವೆಂದರೆ ದೇಶೀಯ ಕ್ರಿಕೆಟ್ ಮೂರು ಮಾದರಿಯ ಪ್ರಮುಖ ಟ್ರೋಫಿ ಜಯಿಸಿಕೊಟ್ಟ ಖ್ಯಾತಿ ಪಾರ್ಥಿವ್ ಪಟೇಲರದ್ದು.

ಇಂದೋರ್ ನಲ್ಲಿ ನಡೆದ 2012-13ನೇ ಸಾಲಿನ ಸಯ್ಯದ್ ಮುಷ್ತಾಕ್ ಅಲಿ ಟಿ20 ಟ್ರೋಫಿ ಹಾಗೂ ಬೆಂಗಳೂರಿನಲ್ಲಿ ನಡೆದ 2015-16ನೇ ಸಾಲಿನ ವಿಜಯ್ ಹಜಾರೆ ಏಕದಿನ ಟ್ರೋಫಿ ಜಯಿಸಿದ್ದರು.

ಇಲ್ಲಿ ಮತ್ತೊಂದು ವಿಶೇಷವೆಂದರೆ ಪಾರ್ಥಿವ್ ಪಟೇಲ್ ರಣಜಿ ಟ್ರೋಫಿಯ ಫೈನಲ್ ಪಂದ್ಯದಲ್ಲಿ ಶತಕ ಸಿಡಿಸಿದ್ದು, ವಿಜಯ್ ಹಜಾರೆ ಫೈನಲ್ ಪಂದ್ಯದಲ್ಲೂ ಶತಕ ಸಿಡಿಸಿದ್ದರು.