ಬೆಂಗಳೂರು: ತವರಿನಲ್ಲಿ ನಡೆದ ಅಂತಿಮ ಪಂದ್ಯದಲ್ಲಾದರೂ ಗೆಲುವು ಸಾಧಿಸಲು ಪ್ರಯತ್ನಿಸಿದ್ದ ಆರ್ ಸಿಬಿ ತಂಡಕ್ಕೆ ಮತ್ತೆ ಮುಖಭಂಗವಾಗಿದ್ದು, ಕೊಹ್ಲಿ ಪಡೆ ಕೋಲ್ಕತಾ 6 ವಿಕೆಟ್ ಗಳ ಭರ್ಜರಿ ಜಯ ಸಾಧಿಸಿದೆ.

ಬೆಂಗಳೂರು ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಇಂದು ನಡೆದ ಪಂದ್ಯದಲ್ಲಿ ಆರ್ ಸಿಬಿ ನೀಡಿದ 159 ರನ್ ಗಳ ಗುರಿಯನ್ನು ಬೆನ್ನು ಹತ್ತಿದ ಕೋಲ್ಕತಾ ತಂಡಕ್ಕೆ ಆರಂಭಿಕರಾದ ಲಿನ್ ಹಾಗೂ ನರಿನ್ ಉತ್ತಮ ಆರಂಭ ನೀಡಿದರು.   ಮೊದಲ ವಿಕೆಟ್ ಜೊತೆಯಾಟಕ್ಕೆ ಈ ಜೋಡಿ 105 ರನ್ ಗಳಿಸುವ ಮೂಲಕ ಕೋಲ್ಕತಾ ಗೆಲುವನ್ನು ಸುಗಮಗೊಳಿಸಿತು. ಈ ಹಂತದಲ್ಲಿ 54 ರನ್ ಗಳಿಸಿದ್ದ ನರಿನ್ ಚೌದರಿ ಬೌಲಿಂಗ್ ನಲ್ಲಿ ವಿಕೆಟ್ ಒಪ್ಪಿಸಿದರೆ, ಆಗತಾನೆ ಅರ್ಧಶತಕ  ಗಳಿಸಿದ್ದ ಲಿನ್ನ್ ನೇಗಿ ಬೌಲಿಂಗ್ ನಲ್ಲಿ ಕ್ಲೀನ್ ಬೌಲ್ಡ್ ಆದರು.

ಬಳಿಕ ಬಂದ ಗ್ರ್ಯಾಂಡ್ ಹೋಮ್ 31 ರನ್ ಗಳಿಸಿ ಔಟ್ ಆದರೆ, ನಾಯಕ ಗಂಭೀರ್ 14 ರನ್ ಗಳಿಸಿ ತಂಡ ಗೆಲುವಿನ ಸನಿಹದಲ್ಲಿದ್ದಾಗ ಔಟ್ ಆದರು. ಅಂತಿಮವಾಗಿ ಪಾಂಡೆ 4 ರನ್ ಗಳಿಸುವ ಮೂಲಕ ಗೆಲುವಿನ  ಔಪಚಾರಿಕತೆಯನ್ನೂ ಪೂರ್ಣಗೊಳಿಸಿದರು. ಅಂತಿಮವಾಗಿ ಕೋಲ್ಕತಾ ತಂಡ 4.5 ಓವರ್ ಗಳು ಬಾಕಿ ಇರುವಂತೆಯೇ 159 ರನ್ ಗಳಿಸಿ 6 ವಿಕೆಟ್ ಗಳ ಭರ್ಜರಿ ಜಯ ಸಾಧಿಸಿತು.