ಮುಂಬೈ: ಇತ್ತ ತಿರುವನಂತಪುರಂ ನಲ್ಲಿ ಭಾರತ ನ್ಯೂಜಿಲೆಂಡ್ ವಿರುದ್ಧ ಸರಣಿ ಜಯ ಸಾಧಿಸುತ್ತಿದ್ದಂತೆಯೇ ಅತ್ತ ಐಸಿಸಿ ಟಿ20 ರ‍್ಯಾಂಕಿಂಗ್ ನಲ್ಲೂ ನ್ಯೂಜಿಲೆಂಡ್ ತಂಡ ತನ್ನ ಅಗ್ರ ಸ್ಥಾನ ಕಳೆದುಕೊಂಡಿದೆ.

ಇಂದಿನ ಸರಣಿ ಸೋಲಿನ ಮೂಲಕ ನ್ಯೂಜಿಲೆಂಡ್ ಖಾತೆಯಿಂದ 5 ಅಂಕಗಳು ಕಡಿತವಾಗಿದ್ದು, ಕಿವೀಸ್ ಪಡೆ ಇದೀಗ 120 ಅಂಕಗಳೊಂದಿಗೆ 2ನೇ ಸ್ಥಾನಕ್ಕೆ ಕುಸಿದಿದೆ. ಅಂತೆಯೇ 124 ಅಂಕಗಳಿಸಿರುವ ಪಾಕಿಸ್ತಾನ ತಂಡ ಮಾತ್ರ ಅಗ್ರಸ್ಛಾನಕ್ಕೇರಿದ್ದು ಮಾತ್ರವಲ್ಲದೇ ತನ್ನ ಸ್ಥಾನವನ್ನು  ಗಟ್ಟಿಗೊಳಿಸಿಕೊಂಡಿದೆ. 

ಇನ್ನು 120 ಅಂಕಗಳಿಸಿರುವ ವೆಸ್ಟ್ ಇಂಡೀಸ್ 3ನೇ ಸ್ಥಾನದಲ್ಲಿದ್ದು.119 ಅಂಕಗಳಿಂದ ಇಂಗ್ಲೆಂಡ್ ತಂಡ ನಾಲ್ಕನೇ ಸ್ಥಾನದಲ್ಲಿದೆ. ನ್ಯೂಜಿಲೆಂಡ್ ವಿರುದ್ಧ ಸರಣಿ ಜಯದ ಮೂಲಕ ಭಾರತದ ಆಂಕಗಳಿಕೆಯಲ್ಲಿ 2 ಅಂಕ ಹೆಚ್ಚಾಗಿದ್ದು, ಭಾರತ 119 ಅಂಕಗಳೊಂದಿಗೆ 5ನೇ  ಸ್ಥಾನದಲ್ಲಿದೆ.

112 ಅಂಕಗಳನ್ನು ಹೊಂದಿರುವ ದಕ್ಷಿಣ ಆಫ್ರಿಕಾ 6 ಮತ್ತು 111 ಅಂಕಗಳನ್ನು ಹೊಂದಿರುವ ಆಸ್ಟ್ರೇಲಿಯಾ 7ನೇ ಸ್ಥಾನದಲ್ಲಿದೆ.

ಒಟ್ಟಾರೆ ಪ್ರಬಲ ನ್ಯೂಜಿಲೆಂಡ್ ತಂಡವನ್ನು ಮಣಿಸುವ ಮೂಲಕ ಭಾರತ ಸರಣಿ ಗೆದ್ದರೆ ಪಾಕಿಸ್ತಾನ ಮಾತ್ರ ಶ್ರಮವಿಲ್ಲದೇ ಆಗ್ರ ಸ್ಥಾನಕ್ಕೇರಿದಂತಾಗಿದೆ.