ಮುಂಬೈ: ಭಾರತ ಕ್ರಿಕೆಟ್ ಆಟಗಾರ ಚೇತೇಶ್ವರ್ ಪೂಜಾರಗೆ ಇಂದು ತನ್ನ ಜೀವನದಲ್ಲಿ ಮರೆಯಲಾಗದ ದಿನ. ಅವರು ಹೆಣ್ಣು ಮಗುವಿನ ತಂದೆಯಾಗಿದ್ದಾರೆ. ಪೂಜಾರ ಅವರ ಪತ್ನಿ ಪೂಜಾ ಹೆಣ್ಣು ಮಗುವಿಗೆ ಜನ್ಮ ನಿಡಿದ್ದಾರೆ.
’ನಮ್ಮ ಜೀವನದಲ್ಲಿ ಬರುವ ಹೊಸ ಪಾತ್ರಗಳಿಂದ ನಮಗೆ ಹೆಚ್ಚು ರೋಮಾಂಚನ ಸಿಗಲಿದೆ. ನಮ್ಮ ಆಶಯವನ್ನು ಈಕೆ ನಿಜ ಮಾಡಿದ್ದಾಳೆ’ ಎಂದು ಬರೆದುಕೊಂಡಿರುವ ಪೂಜಾರ ತಮ್ಮ ಮಗುವಿನೊಂದಿಗಿರುವ ಚಿತ್ರವನ್ನು ಟ್ವಿಟ್ಟರ್ ನಲ್ಲಿ ಪೋಸ್ಟ್ ಮಾಡಿದ್ದಾರೆ.
ಪೂಜಾರ ಇತ್ತೀಚೆಗೆ ನಡೆದ 2018ರ ಐಪಿಎಲ್ ಹರಾಜಿನಲ್ಲಿ ಯಾವ ತಂಡದಿಂದಲೂ ಖರೀದಿ ಆಗಿರಲಿಲ್ಲ.
ಚೇತೇಶ್ವರ್ ಪೂಜಾರ ಪ್ರಸ್ತುತ ನಡೆಯುತ್ತಿರುವ ವಿಜಯ್‌ ಹಜಾರೆ ಟ್ರೋಫಿ ಕ್ರಿಕೆಟ್ ಸರಣಿಯಲ್ಲಿ ಸೌರಾಷ್ಟ್ರ ಪರ ಆಟವಾಡುತ್ತಿದ್ದು ಬರೋಡಾವನ್ನು ಮಣಿಸಿದ ತಂಡವು ಸೆಮಿ ಫೈನಲ್ಸ್ ಸುತ್ತು ಪ್ರವೇಶಿಸಿದೆ.