ಕ್ರೈಸ್ಟ್ ಚರ್ಚ್: ಐಸಿಸಿ ಅಂಡರ್ 19 ವಿಶ್ವಕಪ್ ಟೂರ್ನಿಯ ಎರಡನೇ ಸೆಮಿಫೈನಲ್ ಪಂದ್ಯದಲ್ಲಿ ಸಾಂಪ್ರದಾಯಿಕ ಎದುರಾಳಿ ಪಾಕಿಸ್ತಾನ ತಂಡವನ್ನು ಮಣಿಸಿ ಭಾರತ ಫೈನಲ್ ಪ್ರವೇಶಿಸಿದೆ ಈ ಮಧ್ಯೆ ಉಭಯ ತಂಡದ ಆಟಗಾರರು ಕ್ರೀಡಾ ಸ್ಫೂರ್ತಿ ಮೆರೆದಿದ್ದಾರೆ. 

ನ್ಯೂಜಿಲೆಂಡ್ ನ ಕ್ರೈಸ್ಟ್ ಚರ್ಚ್ ನಲ್ಲಿ ನಡೆದ ಪಂದ್ಯದಲ್ಲಿ ಭಾರತ ತಂಡದ ಆಟಗಾರ ಶುಭ್ ಮನ್ ಗಿಲ್ 98 ರನ್ ಗಳಿಸಿದ್ದಾಗ ಅವರ ಶೂ ಲೇಸ್ ಕಳಚಿತ್ತು. ಈ ವೇಳೆ ಪಾಕ್ ಆಟಗಾರನೋರ್ವ ಶುಭ್ ಮನ್ ಗಿಲ್ ಅವರ ಶೂ ಲೇಸ್ ಕಟ್ಟಿದ್ದರು. 

ನಂತರ ಬ್ಯಾಟಿಂಗ್ ಇಳಿದ ಪಾಕಿಸ್ತಾನದ ಆಟಗಾರ ರೋಹೈಲ್ ಅವರ ಶೂ ಲೇಸ್ ಕಟ್ಟುವಲ್ಲಿ ಭಾರತದ ಆಟಗಾರ ಸಹಾಯ ಮಾಡಿದರು. ಸಾಂಪ್ರದಾಯಿಕ ಎದುರಾಳಿಗಳಾದ ಉಭಯ ತಂಡದವರು ಮೈದಾನದಲ್ಲಿ ಕ್ರೀಡಾಸ್ಫೂರ್ತಿ ಮೆರೆಯುವ ಮೂಲಕ ಗಮನ ಸೆಳೆದರು.