ದಕ್ಷಿಣ ಆಫ್ರಿಕಾ ವಿರುದ್ಧದ ಟೆಸ್ಟ್ ಪಂದ್ಯದಲ್ಲಿ ಚೆಂಡು ವಿರೂಪಗೊಳಿಸಿದ ಕುಖ್ಯಾತಿಗೆ ಗುರಿಯಾಗಿರುವ ಆಸ್ಟ್ರೇಲಿಯಾ ಕ್ರಿಕೆಟಿಗ ಸ್ಟೀವ್ ಸ್ಮಿತ್ ಈಗ ಹೆಚ್ಚು ಚರ್ಚೆಯಲ್ಲಿರುವ ವ್ಯಕ್ತಿ. ಚೆಂಡು ವಿರೂಪಗೊಳಿಸಿದ್ದಕ್ಕಷ್ಟೇ ಅಲ್ಲದೇ ಮತ್ತೊಂದು ವಿಷಯಕ್ಕೆ ಚರ್ಚೆಯಾಗುತ್ತಿದ್ದಾರೆ. 

ಆಸ್ಟ್ರೇಲಿಯಾ ಕ್ರಿಕೆಟಿಗ ಸ್ಟೀವ್ ಸ್ಮಿತ್ ಅವರ  ಆತ್ಮಚರಿತ್ರೆ  "ದಿ ಜರ್ನಿ ಸ್ಟೀವ್ ಸ್ಮಿತ್" ಪುಸ್ತಕವನ್ನು ಡೈಮಾಕ್ಸ್ ಬ್ರಿಸ್ಬೇನ್ ಪುಸ್ತಕ ಮಳಿಗೆ ಆತ್ಮಚರಿತ್ರೆ ವಿಭಾಗದ ಬದಲು ನೈಜ ಅಪರಾಧ ವಿಭಾಗದಲ್ಲಿಟ್ಟು ಮಾರಾಟ ಮಾಡಿದೆ. 

ಸ್ಟೀವ್ ಸ್ಮಿತ್ ಸಹಿ ಮಾಡಿರುವ ಪುಸ್ತಕವನ್ನು ಡೈಮಾಕ್ಸ್ ಬ್ರಿಸ್ಬೇನ್ ಪುಸ್ತಕ ಮಳಿಗೆ ಫೇಸ್ ಬುಕ್ ನಲ್ಲಿ ಹಂಚಿಕೊಂಡಿದ್ದು, ನೆಟಿಜನ್ ಗಳು  ನೈಜ ಅಪರಾಧ ವಿಭಾಗದಲ್ಲಿ ಸ್ಟೀವ್ ಸ್ಮಿತ್ ಆತ್ಮಚರಿತ್ರೆ ಪುಸ್ತಕದ ಚಿತ್ರವನ್ನು ಹೆಚ್ಚು ಹಂಚಿಕೆ ಮಾಡಿಕೊಂಡು ಹಾಸ್ಯ ಮಾಡಿದ್ದಾರೆ. ಇದಷ್ಟೇ ಅಲ್ಲದೇ ಕ್ಲಿಯರೆನ್ಸ್ ಸೇಲ್ ವಿಭಾಗದಲ್ಲಿಯೂ ಸ್ಮಿತ್ ಆತ್ಮಚರಿತ್ರೆ ಪುಸ್ತಕ ಕಾಣಿಸಿಕೊಂದಿದ್ದು, 24 ಡಾಲರ್ ಮೊತ್ತದಿಂದ 2 ಡಾಲರ್ ಗೆ ಬೆಲೆ ಇಳಿಕೆಯಾಗಿದೆ.