ನವದೆಹಲಿ: ಇಂಡಿಯನ್ ಪ್ರೀಮಿಯರ್ ಲೀಗ್ 2018ನೇ ಆವೃತ್ತಿಯ ಟಿ 20 ಕ್ರಿಕೆಟ್ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್​ , ಡೆಲ್ಲಿ ಡೇರ್​ಡೆವಿಲ್ಸ್ ವಿರುದ್ಧ  11 ರನ್​ಗಳ ಸೋಲನುಭವಿಸಿದೆ. ಈ ಮೂಲಕ  ಮುಂಬಯಿ ಇಂಡಿಯನ್ಸ್ ತಾನು ಪ್ಲೇ ಆಫ್ ಗೆ ತೆರಳುವ ಅವಕಾಶವನ್ನು ಕಳೆದುಕೊಂಡಿದೆ.

ಡೆಲ್ಲಿ ಒಡ್ಡಿದ್ದ 175ರನ್ ಗುರಿ ಬೆನ್ನತ್ತಿದ ಮುಂಬೈ 9.3 ಓವರ್​ಗಳಲ್ಲಿ ತನ್ನೆಲ್ಲಾ ವಿಕೆಟ್ ಗಳನ್ನು ಕಳೆದುಕೊಂಡು 163ರನ್ ಗಳಿಸಲಷ್ಟೇ ಸಾಧ್ಯವಾಗಿದೆ.

ಮುಂಬೈ ಪರವಾಗಿ ಲೆವೀಸ್​ (48) ಬಿಸಿಜೆ ಕಟ್ಟಿಂಗ್ (37), ಹಾರ್ದಿಕ್ ಪಾಂಡ್ಯ (27) ರನ್ ಗಳಿಸಿ ಮಿಂಚಿದರು  ಆದರೆ ಪಂದ್ಯದ ಕಡೆ ಗಳಿಗೆಯಲ್ಲಿ ಒಂದರ ಹಿಂದೊಂದರಂತೆ ವಿಕೆಟ್ ಪತನವಾದಗಿ ಹನ್ನೊಂದು ರನ್ ಗಳ ಹಿನ್ನಡೆ ಅನುಭವಿಸಿತು.

ದೆಹಲಿ ಪರವಾಗಿ ಲಮಿಖಾನೆ, ಮ್ಯಾಕ್ಸ್​ವೆಲ್​, ಮಿಶ್ರಾ ತಲಾ ಮೂರು ಮೂರು ವಿಕೆಟ್ ಕಬಳಿಸಿದ್ದರು.

ಇನ್ನು ಇದಕ್ಕೆ ಮುನ್ನ ಬ್ಯಾಟ್ ಮಾಡಿದ್ದ ಡೆಲ್ಲಿ ನಿಗದಿತ ಓವರ್ ಗಳಲ್ಲಿ ನಾಲ್ಕು ವಿಕೆಟ್ ನಷ್ಟದೊಡನೆ 174 ರನ್ ಗಳಿಸಿತ್ತು. ತಂಡ ದ ಪರವಾಗಿ ರಿಷಬ್ ಪಂತ್ 64, ಮ್ಯಾಕ್ಸ್ ವೆಲ್ 22, ವಿಜಯ್ ಶಂಕರ್ ಅಜೇಯ 43, ಅಭಿಶೇಖ್ ಶರ್ಮಾ 15 ರನ್ ಗಳಿಸಿದ್ದಾರೆ.

ಇನ್ನು ಮುಂಬೈ ಪರ ಪಾಂಡ್ಯ, ಬೂಮ್ರ, ಮಾರ್ಕಂಡೆ ತಲಾ ಒಂದೊಂದು ವಿಕೆಟ್​ ಪಡೆದರು.