ಏಷ್ಯಾ ಕಪ್ 2018: ಕ್ರಿಕೆಟ್ ಕೂಸು ಹಾಂಗ್ ಕಾಂಗ್ ವಿರುದ್ಧ ಪಾಕಿಸ್ತಾನಕ್ಕೆ 8 ವಿಕೆಟ್ ಜಯ
ದುಬೈ: ದುಬೈ ಅಂತರಾಷ್ಟ್ರೀಯ ಕ್ರಿಕೆಟ್ ಮೈದಾನದಲ್ಲಿ ಸಾಗುತ್ತಿರುವ ಏಷ್ಯಾ ಕಪ್ 2018 ಸರಣಿಯಲ್ಲಿ ಭಾನುವಾರದಂದು ಪಾಕಿಸ್ತಾನ ದುರ್ಬಲ ಹಾಂಗ್ ಕಾಂಗ್ ವಿರುದ್ಧ 8 ವಿಕೆಟ್ ಅಂತರದ ಗೆಲುವು ಸಾಧಿಸಿದೆ.
ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಿದ್ದ ಹಾಂಗ್ ಕಾಂಗ್ 37.1 ಓವರ್ ಗಳಲ್ಲಿ ಕೇವಲ 116 ರನ್ ಗಳಿಸುವಷ್ಟರಲ್ಲೇ ತನ್ನೆಲ್ಲಾ ವಿಕೆಟ್ ಕಳೆದುಕೊಂಡಿತ್ತು.
ಈ ಸುಲಭ ಗುರಿಯನ್ನು ಬೆನ್ನತ್ತಿದ ಪಾಕ್ ಇಮಾಮ್ ಉಲ್ ಹಕ್ ಅಜೇಯ ಅರ್ಧಶತಕದ (50*) ನೆರವಿನೊಡನೆ 23.4 ಓವರ್ ಗಳಲ್ಲಿ ಎರಡು ವಿಕೆಟ್ ನಷ್ಟಕ್ಕೆ 120 ರನ್ ಗಳಿಸಿ ಗೆಲುವು ಸಾಧಿಸಿದೆ.ಇಮಾಮ್ 69 ಎಸೆತಗಳಲ್ಲಿ ಅಜೇಯ 50 ರನ್ ಕಲೆಹಾಕಿದ್ದರು.
ಪಾಕ್ ಪರವಾಗಿ ಫಖಾರ್ ಜಮಾನ್ (24), ಬಾಬರ್ ಅಜಾಮ್ (33) ಹಾಗೂ ಶೋಯಿಬ್ ಮಲಿಕ್ (9*) ರನ್ ಗಳಿಸಿದ್ದರು.