ಕ್ಯಾಚ್ ಹಿಡಿಯದಿದ್ದರೂ ಕ್ರೀಡಾಸ್ಪೂರ್ತಿ ಮರೆತು ಔಟ್ ಎಂದು ವಾದಿಸಿ ಪಾಕಿಸ್ತಾನ ಕ್ರಿಕೆಟಿಗರು ಹಲವು ಬಾರಿ ಮುಖಭಂಗಕ್ಕೀಡಾಗಿದ್ದಾರೆ. ಈ ಮಧ್ಯೆ ಇದರಿಂದ ಬುದ್ಧಿಕಲಿಯದ ಮತ್ತೊಬ್ಬ ಆಟಗಾರ ಮತ್ತದೇ ಎಡವಟ್ಟು ಮಾಡಿ ಇದೀಗ ನೆಟಿಗರ ಆಕ್ರೋಶಕ್ಕೆ ಕಾರಣರಾಗಿದ್ದಾರೆ.

2019ರ ಪಾಕಿಸ್ತಾನ ಕಪ್ ಪಂದ್ಯಾವಳಿಯಲ್ಲಿ ಕೈಬೆರ್ ಪಖ್ತೂನ್‌ಖ್ವಾ ವಿರುದ್ಧದ ಪಂದ್ಯದಲ್ಲಿ ಫೆಡರಲ್ ಏರಿಯಾಸ್ ತಂಡದ ಆಟಗಾರ ಅಹ್ಮದ್ ಶೆಹಜಾದ್ ಖುಶ್ದೀಲ್ ಶಾ ಸಿಡಿಸಿದ ಚೆಂಡನ್ನು ಬೌಂಡರಿ ಗೆರೆಯಲ್ಲಿದ್ದ ಅಹ್ಮದ್ ಕ್ಯಾಚ್ ಹಿಡಿಯಲು ಮುಂದಾದರೂ ಆದರೆ ಚೆಂಡು ಕೈ ಜಾರಿ ನೆಲಕ್ಕೆ ತಲುಗಿದ್ದು ನಂತರ ಅದನ್ನು ಎಡಗೈನಲ್ಲಿ ಎತ್ತಿಕೊಂಡು ಕ್ಯಾಚ್ ಹಿಡಿದಂತೆ ನಟಿಸಿದರು.

ಈ ವೇಳೆ ಬ್ಯಾಟ್ಸ್ ಮನ್ ಗಳು ಅನುಮಾನ ವ್ಯಕ್ತಪಡಿಸಿದ್ದರಿಂದ ಅಹ್ಮದ್ ಶೆಹಜಾನ್ ಅವರೇ ರಿವ್ಯೂ ಕೇಳಿದರು. ದೃಶ್ಯಗಳನ್ನು ಪರೀಕ್ಷಿಸಿದ ಮೂರನೇ ಅಂಪೈರ್ ನಾಟ್ ಔಟ್ ಎಂದು ತೀರ್ಪು ನೀಡಿದರು. ಒಟ್ಟಿನಲ್ಲಿ ಮತ್ತೆ ಮತ್ತೆ ಮೋಸದಾಟ ಆಡಲು ಪ್ರಯತ್ನಿಸುತ್ತಿರುವುದು ನೆಟಿಗರ ಆಕ್ರೋಶಕ್ಕೆ ಕಾರಣವಾಗಿದೆ. ಇನ್ನು ಈ ವಿಡಿಯೋ ವೈರಲ್ ಆಗಿದೆ.