ತಿರುವನಂತಪುರಂ: ತಿರುವನಂತಪುರಂ ನಲ್ಲಿ ನಡೆದ 2 ನೇ ಟಿ20 ಪಂದ್ಯದಲ್ಲಿ ಭಾರತ ನೀಡಿದ್ದ 170 ರನ್ ಗಳ ಗುರಿಯನ್ನು 18.3 ಓವರ್ ಗಳಲ್ಲಿಯೇ ತಲುಪಿದ ವೆಸ್ಟ್ ಇಂಡೀಸ್ ತಂಡ ಸರಣಿ ಸಮಬಲ ಸಾಧಿಸಿದೆ. 

ಆರಂಭಿಕ ಆಟಗಾರ ಲೆಂಡಿಲ್ ಸೈಮನ್ಸ್ 45 ಎಸೆತಗಳಲ್ಲಿ 67 ರನ್ ದಾಖಲಿಸಿ ತಂಡದ ವಿಜಯಕ್ಕೆ ಪ್ರಮುಖ ಕಾರಣರಾದರು. ವೆಸ್ಟ್ ಇಂಡೀಸ್ ತಂಡದ ಬ್ಯಾಟ್ಸ್ಮನ್ ಗಳನ್ನು ನಿಯಂತ್ರಿಸಲು ಬೌಲರ್ ಗಳು ಹೆಣಗಿದರು. ಪರಿಣಾಮ ಕೇವಲ 2 ವಿಕೆಟ್ ನಷ್ಟಕ್ಕೆ ವೆಸ್ಟ್ ಇಂಡೀಸ್ ತಂಡ 18.3 ಓವರ್ ಗಳಲ್ಲಿಯೇ ನಿಗದಿತ ರನ್ ಗುರಿ ತಲುಪಿ ಭಾರತವನ್ನು ಮಣಿಸಿತು. 

ವೆಸ್ಟ್ ಇಂಡೀಸ್ ಪರ ನಿಕೊಲಾಸ್ ಪೂರನ್ 18 ಎಸೆತಗಳಲ್ಲಿ 38 ರನ್ ಹಾಗೂ ಆರಂಭಿಕ ಆಟಗಾರ ಲೆಂಡಿಲ್ ಸೈಮನ್ಸ್ 67 ರನ್ ದಾಖಲಿಸಿ ಅಜೇಯರಾಗಿ ಉಳಿದರು.