ಕ್ಯಾನ್ ಬೇರಾ: ಮುಂದಿನ ವರ್ಷ ಜನವರಿ ತಿಂಗಳಿನಲ್ಲಿ ನಡೆಯಲಿರುವ ಭಾರತ ವಿರುದ್ಧದ ಮೂರು ಪಂದ್ಯಗಳ ಏಕದಿನ ಸರಣಿಗಾಗಿ 14 ಮಂದಿ ಆಟಗಾರರನ್ನೊಳಗೊಂಡ ತಂಡವನ್ನು ಆಸ್ಟ್ರೇಲಿಯಾ ಕ್ರಿಕೆಟ್ ಸಮಿತಿ ಇಂದು ಪ್ರಕಟಿಸಿದೆ. 

2019ರ ವಿಶ್ವಕಪ್ ಕ್ರಿಕೆಟ್ ಟೂರ್ನಿಯಲ್ಲಿ ಆಡಿದ್ದ ಗ್ಲೇನ್ ಮ್ಯಾಕ್ಸ್ ವೆಲ್ , ಉಸ್ಮಾನ್  ಖಾವಾಜಾ, ಶಾನ್ ಮಾರ್ಷ್, ಮಾರ್ಕಸ್ ಸ್ಟೋಯಿನಿಸ್, ನಾಥನ್ ಲೈಯಾನ್, ನಾಥನ್ ಕೌಲ್ಟರ್-ನೈಲ್ ಅವರನ್ನು ತಂಡದಿಂದ ಕೈ ಬಿಡಲಾಗಿದೆ. ಗಾಯದ ಸಮಸ್ಯೆಯಿಂದಾಗಿ ಜಾಸನ್ ಬೆಹ್ರೆಂಡೋರ್ಫ್ ಕೂಡಾ ಈ ಸರಣಿಯಿಂದ ದೂರ ಉಳಿದಿದ್ದಾರೆ.

ಐಸಿಸಿ ಟೆಸ್ಟ್  ಬ್ಯಾಟ್ಸ್ ಮನ್ ಕ್ರಮಾಂಕದಲ್ಲಿ ನಂಬರ್ 5ರಲ್ಲಿರುವ ಮಾರ್ನಸ್ ಲ್ಯಾಬುಸ್‌ಚಾಗ್ನೆ, ಮೊದಲ ಬಾರಿಗೆ ಭಾರತ ವಿರುದ್ಧ ಏಕದಿನ ಸರಣಿಯಲ್ಲಿ ಪಾಲ್ಗೊಳ್ಳಲಿದ್ದು, ಡೇವಿಡ್ ವಾರ್ನರ್ ಅಂತಹ ಆಟಗಾರರೊಂದಿಗೆ ಆಡಲಿದ್ದಾರೆ. ಉಳಿದಂತೆ ಆರೋನ್ ಫಿಂಚ್, ಸ್ವೀವ್ ಸ್ಮೀತ್, ಟಾಪ್ ಕ್ರಮಾಂಕದಲ್ಲಿ, ಅಸ್ಟಾನ್ ಟರ್ನರ್, ಪೀಟರ್ ಹ್ಯಾಂಡ್ಸ್ ಕೊಂಬ್ ಮಧ್ಯಮ ಕ್ರಮಾಂಕದಲ್ಲಿ ಆಡಲಿದ್ದಾರೆ. ಅಲೆಕ್ಸ್ ಕ್ಯಾರಿ ವಿಕೆಟ್ ಕೀಪರ್ ಆಗಿದ್ದಾರೆ.

ಜನವರಿ 14 ರಂದು ಮುಂಬೈಯಲ್ಲಿ ಮೊದಲ ಏಕದಿನ ಪಂದ್ಯ, ಜನವರಿ 17 ರಂದು ರಾಜ್ ಕೋಟ್ ನಲ್ಲಿ ಎರಡನೇ ಏಕದಿನ ಹಾಗೂ ಜನವರಿ 19  ರಂದು  ಬೆಂಗಳೂರಿನಲ್ಲಿ ಮೂರನೇ ಏಕದಿನ ಪಂದ್ಯ ನಡೆಯಲಿದೆ. 

ಆಸ್ಟ್ರೇಲಿಯಾ ತಂಡ ಇಂತಿದೆ: ಆರೋನ್ ಫಿಂಚ್ ( ನಾಯಕ) ಸೀನ್ ಅಬ್ಬೊಟ್, ಆಷ್ಟನ್ ಅಗರ್,ಅಲೆಕ್ಸ್ ಕ್ಯಾರಿ (ವಿಕೆಟ್ ಕೀಪರ್) ಪ್ಯಾಟ್ ಕಮ್ಮಿನ್ಸ್ ( ವಿಕೆಟ್ ಕೀಪರ್ ) ಪೀಟರ್  ಹ್ಯಾಂಡ್ಸ್ಕಾಂಬ್, ಜೋಶ್ ಹ್ಯಾಜ್ಲೀವುಡ್, ಮಾರ್ನಸ್ ಲ್ಯಾಬುಸ್‌ಚಾಗ್ನೆ, ಕೇನ್ ರಿಚರ್ಡ್‌ಸನ್, ಸ್ಟೀವ್ ಸ್ಮಿತ್, ಮಿಚೆಲ್ ಸ್ಟಾರ್ಕ್, ಆಷ್ಟನ್ ಟರ್ನರ್, ಡೇವಿಡ್ ವಾರ್ನರ್, ಆಡಮ್ ಜಂಪಾ ಇದ್ದಾರೆ.