ವಿಜಯವಾಡ: ಜಾರ್ಖಂಡ್ ನ ವಿಕೆಟ್ ಕೀಪರ್-ಬ್ಯಾಟ್ಸ್ಮನ್ ಇಶಾನ್ ಕಿಶನ್ ಐತಿಹಾಸಿಕ ದಾಖಲೆ ನಿರ್ಮಿಸಿದ್ದಾರೆ. 20 ವರ್ಷದ ಇಶಾನ್ ಕಿಶನ್, ದೇಶಿ ಕ್ರಿಕೆಟ್ ನಲ್ಲಿ ಈ ಐತಿಹಾಸಿಕ ದಾಖಲೆ ನಿರ್ಮಿಸಿದ್ದಾರೆ.
ವಿಜಯವಾಡದಲ್ಲಿ ನಡೆದ ಮಣಿಪುರ ವಿರುದ್ಧದ ಟಿ-20 ಪಂದ್ಯದಲ್ಲಿ 62 ಎಸೆತಗಳಲ್ಲಿ 113 ರನ್ ಗಳನ್ನು ದಾಖಲಿಸುವ ಮೂಲಕ ಇಶಾನ್ ಸತತ 2 ನೇ ಬಾರಿಗೆ ಶತಕ ದಾಖಲಿಸಿದ್ದಾರೆ. ಈ ರೀತಿ ಟಿ-20 ಪಂದ್ಯದಲ್ಲಿ ಸತತ 2 ನೇ ಬಾರಿಗೆ ಶತಕ ದಾಖಲಿಸಿರುವ ಭಾರತದ 2 ನೇ ಆಟಗಾರ ಎಂಬ ದಾಖಲೆ ಈಗ ಇಶಾನ್ ಹೆಸರಿನಲ್ಲಿದೆ. ಇದಕ್ಕೂ ಮುನ್ನ ಭಾರತದ ಉನ್ಮುಕ್ತ್ ಚಂದ್ ಟಿ-20 ಸತತ 2 ಶತಕಗಳನ್ನು ದಾಖಲಿಸಿದ್ದರು. ಇನ್ನು ಮಣಿಪುರಕ್ಕೆ 219 ರನ್ ಟಾರ್ಗೆಟ್ ನೀಡಿದ್ದ ಜಾರ್ಖಂಡ್ ತಂಡ ಎದುರಾಳಿ ತಂಡವನ್ನು 98 ರನ್ ಗಳಿಗೆ ಕಟ್ಟಿಹಾಕುವಲ್ಲಿ ಯಶಸ್ವಿಯಾಗಿದ್ದು 122 ರನ್ ಗಳ ಬೃಹತ್ ಮೊತ್ತದ ಗೆಲುವನ್ನು ದಾಖಲಿಸಿದೆ.
ಜಮ್ಮು-ಕಾಶ್ಮೀರದ ವಿರುದ್ಧ ನಡೆದ ಪಂದ್ಯದಲ್ಲಿ ಇಶಾನ್ 55 ಎಸೆತಗಳಲ್ಲಿ 100 ರನ್ ಗಳಿಸಿ ಮೊದಲ ಶತಕ ದಾಖಲಿಸಿದ್ದರು. ಆ ಪಂದ್ಯದಲ್ಲಿಯೂ ಜಾರ್ಖಂಡ್ 9 ವಿಕೆಟ್ ಗಳ ಭರ್ಜರಿ ಜಯ ಗಳಿಸಿತ್ತು.