ಸಿಡ್ನಿ: ಆಸ್ಟ್ರೇಲಿಯಾ ಮಣ್ಣಿನಲ್ಲಿ ಟೆಸ್ಟ್  ಸರಣಿ ಗೆಲ್ಲುವ ಮೂಲಕ  ವಿರಾಟ್ ಕೊಹ್ಲಿ ನೇತೃತ್ವದ ಟೀಂ ಇಂಡಿಯಾ ಐತಿಹಾಸಿಕ ದಾಖಲೆ ಸೃಷ್ಟಿಸಿದ್ದು, ಈ ಖುಷಿಯಲ್ಲೇ ಆಟಗಾರರು ಮೈದಾನದಲ್ಲಿ ಮಾಡಿದ್ದ ಲೆಗ್ ಶೇಕ್ ಡ್ಯಾನ್ಸ್ ಇದೀಗ ವೈರಲ್ ಆಗುತ್ತಿದೆ.

ಮೂರನೇ ಟೆಸ್ಟ್ ಪಂದ್ಯ ಗೆದ್ದ ಬಳಿಕ ಸರಣಿಯಲ್ಲಿ ಪ್ರಾಬಲ್ಯ ಸಾಧಿಸುವುದನ್ನು ಖಚಿತಪಡಿಸಿದ ಕೊಹ್ಲಿ ಬಳಗ, ನಾಲ್ಕನೆೇ ಪಂದ್ಯ ಡ್ರಾನಲ್ಲಿ ಅಂತ್ಯವಾಗುವ ಮೂಲಕ 2-1 ಅಂತರದಲ್ಲಿ ಸರಣಿ ಗೆದ್ದುಕೊಂಡಿದೆ. ಮಳೆ ಅಡ್ಡಿಯಾಗದಿದ್ದಲ್ಲಿ ಈ ಪಂದ್ಯವನ್ನು ಸಹ ಟೀಂ ಇಂಡಿಯಾ ಗೆಲ್ಲುವ ಅವಕಾಶ ನಿಚ್ಚಳವಾಗಿತ್ತು.

ಈ ಸರಣಿ ಗೆದ್ದ ಬಳಿಕ ಟೀಂ ಇಂಡಿಯಾ ಆಟಗಾರರು ಸಿಡ್ನಿ ಕ್ರಿಕೆಟ್ ಮೈದಾನದಲ್ಲಿ ಕುಣಿದು ಕುಪ್ಪಳಿಸಿದ್ದಾರೆ. ನಾಯಕ ವಿರಾಟ್ ಕೊಹ್ಲಿ ಕೂಡಾ ಮಸ್ತ್ ಡ್ಯಾನ್ಸ್ ಮಾಡಿದ್ದಾರೆ. ಆದರೆ, ಚೇತೇಶ್ವರ ಪೂಜಾರ ಮಾತ್ರ ಡ್ಯಾನ್ಸ್ ಮಾಡಿಲ್ಲ. ಈ ಕ್ಷಣವನ್ನು ಆನಂದಿಸುವಂತೆ ರಿಷಭ್ ಪಂತ್ ಮೂವರು ಬ್ಯಾಟ್ಸ್ ಮನ್ ಗಳಿಗೆ  ಒತ್ತಡ ಹಾಕಿರುವ ದೃಶ್ಯ ಕೂಡಾ ವಿಡಿಯೋದಲ್ಲಿ ಸೆರೆಯಾಗಿದೆ.